Heim Nyhende 15 nynorske bøker på eksklusiv liste

15 nynorske bøker på eksklusiv liste

Mange nynorske bøker blant dei beste barne- og ungdomsbøkene. – Vi er stolte, seier Ragnfrid Trohaug i Samlaget.

 

Guri Fjeldberg har fått Statens kunstnarstipend for kritikarar for å laga ei liste over dei 101 beste barne- og ungdomsbøkene i Noreg dei siste ti åra.

I dag publiserte ho lista på bloggen sin, samstundes med at boka hennar 101 – de beste barne- og ungdomsbøkene 2005-2015 kjem ut.

Forfattaren seier ho har peika ut dei 101 bøkene ho meiner det er «mest verdt å elska».

Til Barnebokkritikk.no seier Fjeldberg at ho har fått forslag frå 200 personar som forfattarar, bibliotekarar og andre profesjonelle. I tillegg har ho hatt sine testlesarar i skular og barnehagar.

Meir humor
Ifølgje Fjeldberg er det meir humor i dei beste bøkene i det siste tiåret.

– Tidligare var ungdomslitteraturen nærmast kjemisk fri for humor. Det er han ikkje lenger. Kvar fjerde ungdomsbok i utvalet mitt har humor som eit viktig verkemiddel. Den humoristiske distansen gjer det lettare å lesa om dei mange alvorlege temaene denne litteraturen tar opp. Eg-stemma har blitt meir sjølvironisk og inviterer til å ta seg sjølv litt mindre alvorleg, seier ho til Barnebokkritikk.no.

LES OGSÅ: Etterlyser meir humor i ungdomsbøker

Fleire på nynorsk
Mellom dei 101 bøkene er 15 bøker skrive på nynorsk.

Ragnfrid Trohaug, seniorredaktør for barne- og ungdomsbøker i Samlaget, seier dette i ein kommentar til lista:

– Vi er stolte! Vi har fleire inne enn styrkeforholdet nynorsk/ bokmål vanlegvis er i utgivingsprosent, det er stas, pluss at Maria Parr er eitt av dei unnataka når det gjeld å ha meir enn ei bok inne. Veldig nøgd med den lista.

– Det er også fleire omsette, nynorske bøker der, og det understreker det viktige: alle mindre brukte språk må ha omsette bøker, og framover er det kjempeviktig at nynorsk held fram med, og får fleire omsette bøker på nynorsk, seier Ragnfrid Trohaug.

Fem av bøkene på nynorsk er omsette bøker. Kring 45 prosent av bokmålsbøkene er omsette bøker.

LES OGSÅ: Nynorske bøker vinn oftare prisar

Her er lista over dei beste på nynorsk:

Drakeguten av Asbjørn Rydland

Dyrebare venner av Erna Osland

Eldprøva/Ildprøven av Lene Kaaberbøl

Førstemamma på Mars av Gyrid Axe Øvsteng og Per Ragnar Møkleby

Handgranateple av Ingelin Røssland

Henrik And av Anna R. Folkestad

Himmelspringaren av Sissel Horndal

Jakob og Neikob: Tjuven slår tilbake av Kari Stai

Kva tåler så lite at det knuser om du seier namnet på det? av Bjørn Sortland

Rekrutten av Robert Muchamore

Tonje Glimmerdal av Maria Parr

Vaffelhjarte: Lena og eg i Knert-Mathilde av Maria Parr

Verdas søtaste turist av Rune Belsvik

Veslebror ser deg av Cory Doctorow

Sjå heile lista her!

SISTE BOKNYTT: MELD DEG PÅ NYHENDEBREVET til Framtida.no!

 

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...