Regjeringa løyver 20 millionar på statsbudsjettet til å vidareføre ordninga Kollektivtransport i distrikta (KID), ifølgje Nationen.
KID-ordninga er oppretta for å prøve ut ulike måtar å organisere kollektivtilbodet i distrikta på. Målet er meir brukartilpassa tilbod, og tiltak som har fått støtte er til dømes arbeidsruter, treningsruter for barn og bestillingsruter.
Prøveprosjektet starta i 2007 og skulle etter planen avsluttast i år. Ein evalueringsrapport i sommar tilrådde at ordninga vart forlengd, men at midlane måtte brukast meir langsiktig og målretta. (NPK)
