Kommunal-og regionaldepartementet lovar no 35 millionar kroner til bulyst-prosjekt.
– Me ser at det er stor interesse for lokalt utviklingsarbeid i norske distriktskommunar, og dette er eit arbeid eg meiner det er viktig å støtte opp om, seier kommunal- og regionalminister Liv Signe Navarsete (Sp).
Ho meiner erfaringar frå tidlegare viser at slike satsingar virkar og styrkar motivasjonen for å drive lokalt utviklingsarbeid.
– Den tidlegare småsamfunnssatsinga og Bulyst syner at det er eit stort mangfald av aktive, engasjerte og flinke folk i Noreg som har hjarte for sine lokalsamfunn. Det er difor ei stor glede for meg, når eg kan vere med og legge til rette for at det skjer so mykje positivt i norske bygder. Mange distriktskommunar har hatt ei positiv utvikling dei siste åra. Bulystmidlane skal vere med og styrkje denne utviklinga, seier Navarsete.
Har din kommune eit spanande bulyst-prosjekt? Tips gjerne redaksjonen!
