Lom folkebibliotek i Oppland vart nyleg kåra til Årets bibliotek 2012.
– Heilt forskrekkjeleg morosamt er det, og ikkje så reint lite rørande, skreiv dei tilsette på bloggen sin då nominasjonen ble kjent i desember.
– Det tok heilt av då vi i fjor vart kåra til Årets bibliotek i Oppland, så kor høgt vi skal flakse med dei skrukkete, vinterfrosne vengene våre med denne nomineringa kan ingen sjå føre seg! Kvar dag kjem strålande lånarar inn og gratulerer oss med nominasjonen, og de skal alle veta at kvar og ein av dykk har ein stor del av æra for dette.
Biblioteket i fjellbygda med 2 400 innbyggjarar hadde i 2012 dobbelt så mange utlån som landsgjennomsnittet. Kvar innbyggjar i Lom låner i snitt 10 bøker i året, melder Nationen.no.
Prisen Årets bibliotek 2012 vart delt ut av Norsk Bibliotekforening på Det Norske Teatret 10. januar. Om vinnaren seier juryen at Lom folkebibliotek har som mål å vere biblioteket for alle, frå vogge til grav. Biblioteket har lenge ligge på utlånstoppen. Lom folkebibliotek har digitale formidlingstenester som kjem lokale brukarar til gode, og har positive ringverknader langt ut over Lom.
17 bibliotek vart foreslått til prisen, og juryen nominerte tre bibliotek til prisen: Bok- og kulturbussen i Sør-Troms, Lom folkebibliotek og Realfagsbiblioteket på UiO
