66 kvinner får plass i det nye Stortinget, ifølgje SSBs prognose. Det utgjer 39 prosent av dei 169 stortingsrepresentantane.
Dermed ser det ut til at talet på kvinner aukar med to, frå dagens 64 til 66. Sjølv om det framleis er under 40 prosent kvinner på stortinget når det opnar i oktober, har det aldri nokon gong tidlegare vore fleire i nasjonalforsamlinga. Prosentdelen var rett nok større etter valet i 1993, men då var det fire færre stortingsrepresentantar enn i dag.
Berre to fylke- Troms og Møre og Romsdal- sender fleire kvinner enn menn til det nye stortinget, ifølgje prognosen. Vest-Agder er heilt likestilt med tre representantar av kvart kjønn. (NPK-NTB)
