(NPK): Kulturskular, kommunar og kulturaktørar har søkt om pengar og fått tilslag på til saman 40 millionar kroner.
– Over 400 søknader frå heile landet tyder på stor interesse for lokalt forankra kultur for og med barn og unge, seier kunnskapsminister Kristin Halvorsen.
Midlane skal brukast til modellforsøk der kommunar, organisasjonar og institusjonar går saman for å leggje til rette for eit mangfaldig kulturskuletilbod og til utvikling av ulike prosjekt.
– Dei fleste søknadene handlar om samarbeidet mellom kulturskular og SFO. Det vil føre til ein meir variert og spennande skulefri, seier Halvorsen. (©NPK)
