Utlendingsdirektoratet (UDI) fekk i dag Statens klarspråkspris for 2010.
Prisen er meint å vere ei belønning for godt og klart språk i statforsvaltninga og skal gå til eit statsorgan som har gjennomført konkrete tiltak for å betre kommunikasjonen med publikum.
Prisen vart delt ut av fornyingsminister Rigmor Aaserud under eit frukostseminar på Kunstindustrimuseet i Oslo.
– Alle dokument hjå UDI som juryen skulle vurdere var velskrivne, forståelege og nesten feilfrie. Med humør og engasjement arbeider UDI med klarspråk på ein måte som får med alle medarbeidarane, seier juryen.
I juryen sit Kjell Lars Berge, Gunn Ovesen, Ola Breivega og Ragnfrid Trohaug.
