Heim Nyhende Agnes Ravatn blir festspeldiktar

Agnes Ravatn blir festspeldiktar

Forfattar Agnes Ravatn blir festspeldiktar på Dei nynorske festspela 2014. –  Veldig upassande, seier Ravatn sjølv, som meiner ho har hatt ein lett karriere.

 

Det var stor semje i festspelkomiteen ved Aasen-tunet om Agnes Ravatn frå Ølen som festspeldiktar for 2014. Men reaksjonen til den 30 år gamle forfattaren då ho fekk telefonen frå programansvarleg Karine Munch ved Aasen-tunet var «neeeei!».

Toppen av kransekaka
–  Eg har hatt litt tid til å fordøya det no. Eg synest det er veldig upassande, er den overraskande kommentaren frå Ravatn om kva ho synest om det ærefulle oppdraget.

–  Eg har hatt det ganske lett i karrieren. Det har skjedd mykje bra. Dette er toppen av kransekaka. Det er vanskeleg å sjå at eg har fortent det. Men det er veldig inspirerande og kjekt, legg ho til.

Ravatn synest det er fint at ho får æra av å vera festspeldiktar så tidleg i forfattarskapen.

–  Eg veit at unge festspeldiktarar tidlegare har hatt stort utbytte av det. Det er veldig fint å få ei sånn anerkjenning. Forfattaryrket er einsamt. Det er heilt klart positivt for den vidare karrieren. Men eg har ei lang liste forfattarar som hadde fortent dette meir, understrekar Ravatn.

Vil skapa mildt ubehag
Programansvarleg Karine Munch fortel at Ravatn blei vald på grunn av at ho er ein svært mangfaldig og engasjert forfattar og skribent, som har skrive både romanar, essays og spaltar. I haust kom romanen «Fugletribunalet».

Temaet for festspela 2014 er språk og makt. Munch meiner det då er veldig bra å ha ei ung kvinne som festspeldiktar.

–  Agnes har språket i si makt, og me er veldig begeistra for den siste boka. Men at ho no blir festspeldiktar er på bakgrunn av heile karrieren, seier Munch.

–  Ho har utmerkt seg gjennom fleire år, men den siste boka er ein heilt ny sjanger. Det viser breidde, legg kommunikasjonsrådgjevar ved Aasen-tunet, Laila Walseth Lid, til.

–  Makt er eit veldig ope tema. Tematikken er evig aktuell, både på makro- og mikronivå. Eg håper me kan opplysa og utforska tematikken på nye og alternative måtar, seier Ravatn, som gler seg til å ta fatt på det ærefulle oppdraget.

Ho vil utfordra makta til dei som «sit på toppen av Aasen-tunet».

–  Dei har vore litt konfliktsky i tidlegare programpostar. Eg vil skapa eit mildt ubehag og ta opp risikable spørsmål, slår Ravatn fast. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...

Unikt Aasen-materiale publisert på nett

Boksamlinga etter Ivar Aasen inneheld omlag 2 500 bøker. I januar i år tok Nynorsk kultursentrum til på arbeidet med å gå gjennom alle...