Heim Nyhende Åmås: – Kritikken mot Widvey er urettferdig og ukorrekt

Åmås: – Kritikken mot Widvey er urettferdig og ukorrekt

Statssekretær Knut Olav Åmås (46) tar sjefen sin i forsvar, idet han sjølv forlèt Kulturdepartementet til fordel for jobben som direktør for Fritt Ord.

 

Åmås seier til NTB at han finn kritikken som har vore reist mot Thorhild Widvey (H) for å vere ein fagleg svak kulturminister «både urettferdig og ukorrekt». Han nektar dessutan for at han no sluttar etter berre få månader i departementet fordi det har samanheng med det kritikarane meiner er liten fagleg tyngde hos sjefen.

– Widvey er ein uhyre driven og dyktig politikar, som har stor gjennomføringsevne, seier Åmås til NTB.

Mange av dei same kritikarane meiner derimot at det nettopp har vore Åmås som har tatt ein vesentleg del av ansvaret for det politiske arbeidet til departementet i dei åtte månadene han har vore der.

– Ingen langsiktig jobb

Det vakte oppsikt, i positiv forstand, at den politiske veteranen Widvey hanka inn kulturtungvektaren Åmås då ho vart utnemnt til kulturminister etter valet i haust. Sistnemnde slutta på si side omgåande som kultur- og debattredaktør i Aftenposten for å kunne ta det politiske vervet.

– Eg skulle gjerne hatt meir enn åtte månader i departementet. Men med min kompetanse og bakgrunn, hadde eg uansett ikkje tenkt å gjere eit langsiktig yrke av politikken. Derfor har eg sagt ja til Fritt Ord, seier Åmås.

Han byrjar i stillinga som direktør for «ein av dei finaste og mest uavhengige institusjonane i det norske samfunnet» til hausten. Åmås tar over etter Erik Rudeng, som går av med pensjon.

– Det blir eit veldig fint framhald av det eg har drive med dei siste tjue åra.

Beklagar at han sluttar

Formelt får Åmås innvilga avskjedssøknaden sin av Kongen i statsråd fredag. Widvey sjølv beklagar i ei kort pressemelding at Åmås sluttar.

– Det har vore ei stor glede å samarbeide med Knut Olav Åmås i desse månadene. Eg ønskjer han lykke til med nye og spennande oppgåver, seier kulturminister Thorhild Widvey.

Åmås meiner Widvey har skapt «større trøkk i mediepolitikken» på åtte månader enn kva dei raudgrøne klarte på åtte år, og gir «avbyråkratisering og forenkling for det frivillige» som eit eksempel på gjennomføringskrafta han tidlegare trekte fram.

– Vi har dessutan retta merksemda bort frå Kulturløftets vekt på infrastruktur og bygningar til å diskutere innhald og kvalitet, seier han.

Styreleiar i Fritt Ord, Georg Fr. Rieber-Mohn, føler seg trygg på at Åmås vil halde fram arbeidet for å fremje ytringsfridom og offentleg debatt. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Den nye opplæringslova er ikkje god nok for nynorskelevane

Fredag 24. mars 2023 la Tonje Brenna fram forslag til ny opplæringslov. Norsk Målungdom synest det er fleire gode framlegg for nynorskelevane, men at...

Målblome til ålesundordførar Eva Vinje Aurdal

– Norske kommunar er viktige språkaktørar, og mellom 356 nyansar av kommunegrått har språket vårt både bøller og bestevener. Midt i det grå står...

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...