Heim Nyhende Maksimalt to sider per sak

Maksimalt to sider per sak

Stortingsrepresentant Fredric Holen Bjørdal meiner saksmengda “kveler” lokalpolitikarane.

På sist kommunestyremøte i Ørsta var sakspapira på 600 sider.

– Er det mogleg å redusere mengda av informasjon. Er det til dømes naudsynt med alle vedlegga? undra Jostein A. Mo (Ap), ifølgje Mørenytt. Ordføraren bad rådmannen om sjå på kva som er naudsynt informasjon.

Stortingsrepresentant Fredric H Bjørdal gjev full støtte til Jostein O. Mo sitt utspel om sakspapir i Møre-Nytt.

Bjørdal, som før stortingsvalet var gruppeleiar for Ap i kommunestyret i Ørsta, meiner det enorme sidetalet trugar lokaldemokratiet.

– Ofte var det fleire hundre sider å lese til kvart møte. Dette greidde ikkje nettbretta å handtere, så møta vart mykje lenger enn naudsynt fordi ein måtte vente på elektronikken, seier han til lokalavisa.

Bjørdal minner at lokalpolitikken blir gjort ved sida av jobb og familie, og at ein kan ikkje forvente at nokon vil ta på seg eit verv som er så tidkrevjande.

– Slik eg ser det har ein to alternativ: anten auke godtgjersla til politikarane kraftig, så ein sit att med meir enn knappar og glansbilete for den tidkrevjande jobben ein gjer. Eller så må ein redusere mengda sakspapir drastisk. Eg meiner administrasjonen bør ta mål av seg å legge fram saksframstillingar på maks to sider. Det bør vere fullt mogleg å presentere essensen i ei sak slik, seier Holen Bjørdal til Møre-Nytt.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...