Anne Viken er klar med ny hestebok, Elise og mysteriet på hesteklinikken.
Ho debuterte i 2012 med den første boka i serien om Elise, Elise og mysteriet med dei døde hestane. Anne Viken er sjølv dyrlege og har stor kunnskap om og kjærleik til dyr. Resultatet er ein nyskapande hestebokserie med stort driv, skriv Samlaget i ei pressemelding.
I denne boka har Onkel Kalle fått seg arbeid som veterinær på Trollskogen hesteklinikk, og Elise er lykkeleg over å få vere med han på jobb. Men i den gamle veterinærbustaden skjer det uforklarlege ting, og ute i praksis har Kalle alvorleg trøbbel med å gjere pasientane friske. Gamle Ylva påstår at ein spøkelsesdyrlege går gjennom gangane, og Elise forstår etter kvart at hesteklinikken skjuler langt meir enn sjuke hestar.
Anne Viken er veterinær, statsvitar, bloggar og skribent. Ho debuterte i 2012 med Elise og mysteriet med dei døde hestane.
