Fem kommunar har søkt om å få bli Årets nynorskkommune.
Den utvida søknadsfristen gjekk ut i går, og departementet tar atterhald om at det framleis kan liggje nokre søknader i posten. Men så langt ser det altså ut til at to nye kommunar hør søkt i itllegg til dei tre som allereie var kome inn innan september. Styreleiar i LNK, Jan Magne Dahle, har forståing for at ein i travle kommunar ikkje alltid får følgd opp invitasjonar av denne typen.
– Kanskje kvir somme administrasjonar seg for å å komme med forslag på eigen kommune, seier Dahle. – Det vanlege i slike høve er som regel at nokon utanfrå har lagt merke til kva som blir gjort i kommunen og kjem med framlegg om tildeling av utmerkinga. Mange kommunar veit at alt ikkje er som det bør vere når det gjeld satsing på godt og klårt språk, de vil gjerne gjere noko med det, dei og utset å søkje til seinare.
Samstundes er styreleiaren klar på at arbeidet med språket ikkje er noko kommunane bør ta lett på.
– Arbeid med språk bør vere ein svært viktig del av kvalitetssikringsarbeidet i alle kommunar. Kommunane bør opppvurdere dette arbeidet, og det bør vere like naturleg å gje tilsette tilbod om vedlikehald og påfyll av kunnskapar på dette området som på dei reint faglege områda, seier han til LNK.no. – Dersom ein ønskjer kvalitet i kommunal forvaltning og tenesteproduksjon, kjem ein ikkje utanom å satse på kvalitet i språkbruken også.
Følg med på www.lnk.no for meir nytt om Årets nynorskkommune.
