Heim Nyhende Arnfinn Kolerud får jubileumsstipend for å fullføra nynorsk-trilogi

Arnfinn Kolerud får jubileumsstipend for å fullføra nynorsk-trilogi

Nynorsk kultursentrum deler ut 200.000 kroner til Arnfinn Kolerud for å fullføra den hysterisk morosame trilogien om Bendik Uføre og Vassbygda sin kamp for nynorsken.
Det tok to år mellom første boka Når ein først skal skyte nokon (2010) og Kom ikkje inn i mitt hus (2012).

Seks år etter har nok den verste latterkrampen gitt seg for dei som har lese dei to elleville og kompromisslause forteljingane om den norske språksituasjonen. Men bok nummer tre om kampen for nynorsken i Vassbygda er enno ikkje her.

Arnfinn Kolerud blei fredag flogen inn frå ein skulesekkturné i Sunnhordland for å motta stipendet og heideren under ein festmiddag i Ørsta i samband med 25-årsjubileet til Nynors kultursentrum.

LES OGSÅ: Sjå Liv Signe Navarsete sine revestrekar med Arnfinn Kolerud

– Jippi!

– Jippi! No kan eg kjøpe meg tid til å skriva. Det er mange som har etterlyst tredje bok. Dei synest at trilogiar på berre to bøker er ein uting. Det har dei heilt rett i! jublar forfattar Arnfinn Kolerud.

– Dette er som eit stipend til eit tingingsverk. Styret vedtok å oppretta jubileumsstipendet for at Kolerud skal få høve til å skriva band tre i ein romantrilogi om den norske språksituasjonen, seier direktør Ottar Grepstad.

– Kva han skriv i band tre, er hans sak. Me har berre sikra oss urframføringar i Ørsta, Ulvik og Vinje.

LES OGSÅ: Økland, sa Økland

Fakta: Arnfinn Kolerud
  • Kjem frå Isfjorden i Romsdal.
  • Profilert ungdoms- og vaksenbokforfattar med fleire litterære prisar.
  • Bøkene hans er prega av språkleg kreativitet og ordleik, med handlingar lagde nær opp til kvardagsliv og jordnær røyndom – med rom for fantasirike innfall.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Stillingsutlysing: Vil du få til meir MÅL på Jæren?

Stillingsutlysing: Er du glad i målet ditt, nynorsk og vil få fleire til å gleda seg over dialekta si og nynorsken? Er du i tillegg...

Språkrådet ber avisene sikre nynorskdelen i framtida

Nynorskavisa Kvinnheringen kan publisere Amedia-tekstar og meiningsinnlegg på bokmål, men trur ikkje dei vil skrive mindre nynorsk framover. – Det som overraska mest var nok...

Litteraturbåten Epos inviterer til litteraturcruise i Hardanger heile sommaren!

No kan du bli med den gamle bokbåten på tur blant bøker, bølger og bygder i Hardanger! Den 61 år gamle båten Epos har vore...

Nynorsk litteratur der ute – og heim igjen

Korleis har litteratur på mindretalsspråket nynorsk enda opp med å vinne internasjonale prisar? Og kvar går vegen vidare? Dette er nokre av spørsmåla du kanskje...