Heim Nyhende Aurlandskoen får vist seg fram

Aurlandskoen får vist seg fram

Ved Aurland skofabrikk fortel eit visingssenter historia til den tradisjonsrike Aurlandsskoen, medan eit designkollektiv i Oslo gir skoen nytt liv i utlandet.

 

 

Historia til Aurlandsskoen starta då eventyraren og skomakaren Nils Tveranger kom tilbake frå eit opphald i USA på slutten av 1800-talet, inspirert til å starte skomakarverksemd.

Ved Aurland skofabrikk i Sogn og Fjordane blir Aurlandsskoen framleis produsert etter den modellen som blei laga på 1930-talet. Skofabrikken er òg del av Économusée – ei internasjonal samling bedrifter som driv vareproduksjon ved hjelp av gamle handverksteknikkar, fortel Nationen.

LES OGSÅ: Sel sko til Asia

6000 par
Eit vilkår for å høyre til Économusée er at verksemdene skal vere opne for publikum og syne fram produksjonsteknikken. Medan alt tidlegare blei gjort for hand, er det no maskinar som står for saumen på Aurlandsskoen.

Ifølgje Nationen var det i glansdagane mellom 1930 og 1970 stor eksport av skoen. I dag lagar dei seks-sju tilsette ved Aurland skofabrikk over 6.000 par sko i året. I tillegg til klassikarane, lagar dei nye fargevariantar vår og haust.

Samarbeid
Det norske designkollektivet Haik i Oslo har også fått auga opp for den tradisjonsrike skomodellen, skriv Aftenposten. Ida Falck Øien, Siv Støldal og Harald Lunde Helgesen står bak det norske klesmerket, som har kundar i mellom anna Oslo, Los Angeles, London, Paris og Japan.

Aurlandsskoen er kalla «the original penny loafer», fordi ein kan plassere ein tiøring i sprekken i tverreima som går på tvers av skoen. Dette truleg for å gi lykke, eller for å vise at ein hadde fast følgje, heiter det.

– Vi har jobba med Aurland Skofabrikk sidan den første kolleksjonen vår. Då hadde Haik eit prosjekt som handla om å kle seg for suksess. Og med tanke på tiøringen som er plassert i «flappen» på Aurlandsskoen, var det naturleg å oppsøkje dei for eit samarbeid, seier Helgesen til avisa.

LES OGSÅ: Mote på nynorsk

Forvandla
I hendene på Haik har Aurlandsskoen fått nytt liv, mellom anna med gullpynt, handmåling og hakkete solar.

Aftenposten fortel at skoa har fått mykje merksemd i utlandet. Harald Lunde Helgesen trur det er noko med den spesielle forma på skoen som gjer at han appellerer til motenerdar i heile verda.

– Dei har selt godt i Italia, som jo er skolandet . Det er ein veldig unik og spesiell sko, men italienarar forstår han veldig godt, seier han.

Også asiatane har fått auga opp for Haik, og Japan utgjer no den største marknaden til merket.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...

Staten bryt språklova i kontakt med kommunane – både LNK, statsråd og mållagsleiar reagerer

Berre éin firedel av nynorskkommunane opplever at staten skriv mest nynorsk til dei. Den nye språklova har førebels ikkje gjort noko positivt utslag for...

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...