Heim Nyhende Gravferdsprisar varierer mellom kommunane

Gravferdsprisar varierer mellom kommunane

Mange som har flytta frå heimkommunen sin ynskjer likevel å bli gravlagde på staden der dei vaks opp. Det kan bli dyrt, og prisane mellom kommunane varierer.

 

Det er Firda som skriv om prisvariasjonane på såkalla utanbysgravferd fredag. Avisa viser til tal frå Statistisk sentralbyrå (SSB) som seier at meir enn kvar tiande nordmann ynskjer å bli gravlagd ein annan stad enn der dei bur, til dømes i kommunen dei vaks opp i. I prinsippet har alle norske statsborgarar rett til fri grav.

Men det vil kosta ekstra å bli gravlagd i ein annan kommune, og prisane mellom kommunane varierer sterkt.

Gravferdsavgiftutvalet har funne ut at medan nokre kommunar ikkje lèt pårørande betala for utanbysgravferd, krev andre kommunar opp mot 18.000 kroner. Og i dei større byane er det dyrare. Desse kostnadene kjem i tillegg til dei vanlege kostnadene til gravferd, som i gjennomsnitt kostar mellom 30.000 og 40.000 kroner.

I dag blir rundt 8 prosent av dei avlidne gravlagde i ein annan kommune enn den dei budde i, og det er opp til gravplassforvaltninga om dei vil krevja at dei etterlatne skal dekkja kostnadene.

Men det kan sjå ut som at det kan gå mot ei endring. Ei offentleg utgreiing frå 2014 la fram forslag om å endra gravferdslova.

– Utvalet går inn for likestilling mellom innanbygds og utanbygds gravlegging. Utvalet gjer framlegg om at gravplassforvaltningane gjer opp seg imellom etter tre ulike satsar som departementet fastset i forskrift, heiter det i NOU 2014: 2 Lik og likskap. Om betaling for kremasjon, gravlegging og grav. (©NPK) (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...