Heim Nyhende Ber om skjerpa språkkrav for TV2

Ber om skjerpa språkkrav for TV2

Kringkastingsringen meiner det er sjølvsagt at TV2 framleis skal ha krav til at kanalen må bruka både nynorsk og bokmål.
 

Laurdag gjekk fristen ut for å søkje seg til ny allmennkringkastaravtale, med TV 2 som einaste søkjar. Regjeringa jobbar mot å inngå avtalen om kommersiell allmennkringkasting i desember.

Kringkastingsringen tek det som sjølvsagt at avtalen i det minste kjem til å innehalde eit språkkrav om å nytte begge målformene, denne gongen som sist. Men me meiner at kulturministeren ser at denne kommersielle allmennkringkastaren bør ha strengare og meir spesifikke språkkrav retta mot seg.

– Det er ingenting i vegen for at TV 2 ikkje skulle hatt like strenge krav til bruk av nynorsk, som NRK, seier styreleiar Guro Kvalnes i ei pressemelding.

Gjennom nesten 25 år har TV 2 vore ein kommersiell allmennkringkastar, og dei har aldri fått kritikk av Medietilsynet for å ikkje oppfylle kravet om å nytte begge målformene. Nettopp fordi dei alltid har nådd dette målet. Kanalen har hatt sterke nynorskprofilar på skjermen og hatt gode tradisjonar for dialektmangfald.

Kravet i dei gamle konsesjonsavtalane har berre retta seg mot hovudkanalen til TV 2. Media forandrar seg, og tida er mogen for å skjerpe krava.

– Ein må få eit krav om å nytte nynorsk på alle plattformer TV 2 nyttar til formidling, i takt med medieutviklinga, held Kvalnes fram.

Skal ein kunne oppfylle det fjerde allmennkringkastingsprinsippet om å styrke norsk språk, identitet og kultur, kan ein ikkje konsekvent velje vekk den eine målforma på nett eller andre formidlingskanalar.

– Ein må nytte språka våre på alle plattformer. Det må regjeringa sikre at ein kommersiell allmennkringkastar gjer, avsluttar Kvalnes.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...