Heim Nyhende – No må nynorskkommunane bruka marknadsmakta si

– No må nynorskkommunane bruka marknadsmakta si

Gudrun Kløve Juuhl ber kommunane gå saman om å krevja digitale læremiddel på nynorsk.

Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Det kunne Framtida.no fortelja tysdag.

LES SAKA: Stort behov for digitale læremiddel på nynorsk

– No når mange kommunar set i gang ei storstilt digitalisering av skulen, er det avgjerande at nynorskkommunane saman nyttar marknadsmakt for å krevja nynorskutgåver av programvare som skal brukast i skulen.

Det skriv Gudrun Kløve Juuhl eit brev til oppvekstsjefen i Volda kommune. Her uttrykkjer ho uro for om kommunen har sikra at alle appane som skal brukast som læremiddel, finst i nynorskutgåve, slik opplæringslova krev.

På eit foreldremøte fekk nokre foreldre melding om at berre éin av appane som skulle brukast var på nynorsk, fortel Kløve Juuhl som til vanleg jobbar som førsteamanuensis i språk og litteratur ved Høgskulen i Volda, og elles er leiar i Volda mållag.

Treng meir nynorsk for å bli sikre i nynorsk

Kløve Juuhl har forska på rettskrivinga til sjetteklassingar, og fann at mange nynorskelevar er usikre på nynorsken.

Gudrun Kløve Juuhl er leiar i Volda Mållag og jobbar som førsteamanuensis i språk og litteratur ved Høgskulen i Volda til vanleg. Foto: Line Kibsgaard

– Elevane treng meir nynorsk i skulen for å bli trygge på språket sitt, seier ho til Framtida.no, og åtvarar mot konsekvensane av å ikkje bruka nynorsk i skulen. Ho meiner samstundes at Utdanningsdirektoratet burde presisert tydelegare kva som er eit læremiddel.

Opplæringslova krev at alle læremiddel skal vera tilgjengeleg på både nynorsk og bokmål til same tid og same pris.

LES OGSÅ: Forskar: Tilråd jamleg dusj med nynorsk

I gråsone

Oppvekstsjef i Volda Per Ivar Kongsvik vedgår at dei kan vera i ei gråsone når fleire av appane som er til bruk i skulen ikkje finst på nynorsk.

– Me har tatt store digitale framsteg på kort tid. Me har brukt store investeringar på ipadar til elevane, og erkjenner at me trakkar opp nye spor, fortel han, og legg til:

– Volda er ein viktig nynorskkommune og det ansvaret kjenner me på.

Oppvekstsjefen fortel at Volda ilag med fleire andre kommunar på Sunnmøre har tatt spurt ein leverandør om det er mogleg å få ein app på nynorsk.

Han trur det vil vera lettare å få digitale læremiddel på nynorsk når fleire kommunar går saman, og peikar på Landssamanslutninga av nynorskkommunar (LNK).

Vidar Høviskeland, dagleg leiar i LNK, oppmodar også kommunane om å bruka marknadsmakta si til å få fleire digitale læremiddel.

Grunn til håp

Else Berit Hattaland i Klepp Mållag og FAU ved Kleppe skule er samd i at kommunane bør gå saman om å krevja digitale læremiddel på nynorsk.

– I jærskulen bruker dei aller fleste elevane nynorsk, og viss alle kommunane går saman, så må det bli eit press for meir nynorsk, seier ho.

Kommunalsjef Trond Roy Pedersen i Klepp kommune seier at kommunen gjer sitt beste for å få dei digitale læremidla og læringsressursane på nynorsk.

– Me er ein pioner, og opplever at leverandørane høyrer på oss. Det gjev oss håp, seier han.

LES OGSÅ: Får kunnskapen inn med app

Forlag: Prøver å ha alt på nynorsk

– Policyen vår, for digitale så vel som trykte utgjevingar, er at alt innhald eleven skal forhalda seg til, blir tilbode på begge målformer, skriv Hege Jahr Glomnes (bildet), sals- og marknadssjef i Aschehoug Undervising i ein epost til Framtida.no.

Ho vedgår likevel at dei har noko innhald som berre finst på bokmål. Det gjeld i all hovudsak på gratis/eldre innhald.

– Viss ein loggar seg inn på Lokus, den digitale plattforma vår, kan ein velja nynorsk i profilen og får då automatisk opp alt innhald ein har tilgjenge til, på nynorsk. Dei aller fleste av brukarane våre er enno ikkje logga inn, slik at dei då ikkje har høve til å velja profilstyrt språkform, fortel ho.

LES OGSÅ: Nynorsk som hjernetrim

NYNORSK INSPIRASJON

Ber om forslag til Årets nynorskkommune – kven er best på nynorsk i koronatida?

Kulturdepartementet skal kåre årets nynorskkommune 2020. Prisen, som er på 100 000 kroner, går til ein kommune eller fylkeskommune som tar særleg...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...
Oppe frå venstre: Arnfinn Kolerud, Linn T. Sunne, Magnhild Bruheim, Solveig B. Bendixen og Bente Bratlund. Nede frå venstre: Atle Hansen, Harald Nortun, Maria Parr, Ingunn Thon og Rune Belsvik. Foto: forlaga og Framtida.no

Her er dei 10 beste barnebøkene på nynorsk

Ein jury har nominert dei ti beste barnebøkene som er skrivne på nynorsk etter år 2000. Barn og unge frå heile Noreg har sendt...
Ordførar Jorunn Skåden delte ut bokkasse til 1. og 2. trinn ved Valestrand oppvekstsenter. Foto: Svein Olav B. Langåker

Sveio deler ut nynorske bøker for 100.000 kroner

Bruker premiepengane på nynorske bøker for barn og unge etter å ha blitt kåra til Årets nynorskkommune i fjor. –...

Tysvær snudde negativ nynorsktrend

  Elevane på nynorskskulane i Tysvær kommune valde vekk nynorsk. No har kommunen klart å snu trenden.   I 2016 ville ingen foreldre ved skulane...

MEST LESE

Ber om forslag til Årets nynorskkommune – kven er best på nynorsk i koronatida?

Kulturdepartementet skal kåre årets nynorskkommune 2020. Prisen, som er på 100 000 kroner, går til ein kommune eller fylkeskommune som tar særleg...

Nye nettsider skal inspirera til meir nynorsk – har du tips til oss?

LNK har fått seg nye nettsider, og håpar desse skal inspirera til meir og betre bruk av nynorsk. Nye...

Språk på hjernen

Forskingsdagane 2020 har fokus på hjernen. Vi som har valt å arbeide med språk, kan kanskje seiast å ha...

Ny redaktør i Syn og Segn

Astrid Sverresdotter Dypvik er tilsett som redaktør i Syn og Segn. Ho er utdanna historikar og kjem frå ei stilling i Nationen.