På måndag var heile Bergens Tidende på nynorsk. Og det på dagen 200 år etter at Ivar Aasen vart fødd.
– Dette er me svært glade for. Me seier Takk, Ivar Aasen, men no legg me til, takk, Bergens Tidende. I dag feirar me 200 års-dagen for Ivar Aasen og Bergens Tidende feirar kanskje på den aller beste måten med å gjere dette til ein nynorsk avisdag, sa Marit Aakre Tennø, leiar i Noregs Mållag på festdagen.
– Bergens Tidende har til vanleg mykje nynorsk i avisa, og det er viktig for nynorsk som nyhendespråk. Det viktigaste for nynorsk som språk er at han er i bruk overalt, seier Marit Aakre Tennø.
