Heim Nyhende Besøksrekord på biblioteka i fjor

Besøksrekord på biblioteka i fjor

Bibliotektal frå kvar enkelt kommune finn de på bibliotekutvikling.no. Slik blir det høve til å lage lokale vriar for dykkar avis.

 

Norske folkebibliotek sette ny brukarrekord med over 24 millionar besøk i 2017. Aktiviteten har aldri vore større i biblioteka, som gjennomførte nesten 50.000 arrangement gjennom fjoråret. Barn og unge låner fleire bøker enn nokon gong, og det totale bokutlånet er stabilt.

Det kjem fram i bibliotekstatistikken for 2017.

– Desse rekordtala viser at Nasjonal bibliotekstrategi og grepa som regjeringa har tatt for å auke aktiviteten i folkebiblioteka har vore vellykka, seier kulturminister Trine Skei Grande.

Bibliotekstrategien, som går ut ved årsskiftet, har sidan 2015 vore verktøyet til staten for å bidra til utvikling i folkebiblioteka.

– Det er behov for å byggje vidare på dei tiltaka vi har sett i verk. Biblioteka er dei beste institusjonane våre for ytringsfridom og demokrati, og regjeringa vil leggje fram målretta tiltak for å styrkje arbeidet deira i den neste bibliotekstrategien som skal gjelde frå 2020 til 2023, seier kulturministeren.

Stabilt bokutlån

Meir enn 17 millionar bøker vart lånte ut frå norske folkebibliotek i I fjor. Dette viser at bokutlånet er stabilt. I gjennomsnitt lånte nordmenn 3,4 bøker gjennom året.

– Utlånstala viser at boka står sterkt i folkebiblioteka. No ser vi fram til Bokåret 2019 der vi skal løfte boka ytterlegare, med 500 arrangement i 500 bibliotek over heile landet, seier direktør for Nasjonalbiblioteket Aslak Sira Myhre.

Barn og unge låner mange fleire bøker enn vaksne, og bokutlånet til denne gruppa held fram med å auke. I 2017 vart det lånt ut 7,6 millionar skjønnlitterære bøker for barn og unge i norske folkebibliotek. Dette er det høgste talet som nokon gong er målt. I snitt lånte norske barn under 15 år 9,5 bøker kvar gjennom året.

* Folkebiblioteka hadde til saman 24.362.603 besøk i 2017. Dette er ein auke på rundt 400.000 frå 2016, og nesten fire millionar fleire enn i 2013.

* Det vart gjennomført 49.899 små og store arrangement i folkebiblioteka i 2017 – alt frå organiserte besøk av barnehagegrupper til store litteraturarrangement og debattmøte.

* Det vart lånt ut 17.428.190 bøker (inkludert e-bøker) i norske bibliotek i 2017.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...