Heim Nyhende Best tenester i små kommunar

Best tenester i små kommunar

Medan eit regjeringsutval helst vil ha kommunar med minimum 15.000 innbyggjarar, viser det nyaste kommunebarometeret at folk trivst best i mindre kommunar.

 

Berre tretten av dei femti beste kommunane som er rangerte som dei beste å bu i, har over 15.000 innbyggjarar, ifølgje kommunebarometeret utarbeidd av Kommunal Rapport.

Høylandet i Nord-Trøndelag med 1.263 innbyggjarar toppar lista. Deretter følgjer Lom med 2.364 innbyggjarar og Leikanger med eit folketal på 2.255.

Signy Irene Vabo, som leier ekspertutvalet til regjeringa, seier til NRK at ho meiner resultatet heng saman med at eldre og personar med lågare utdanning, som det er fleire av i små kommunar, ofte svarar positivt på denne type undersøkingar.

I tillegg meiner ho at små kommunar har fordel av høgare inntekter og difor kjem godt ut.

Ordførar i Leikanger Olav Lunden (Ap) trur på si side fram nærleiken til innbyggjarane har mykje å seia.

– Eg trur at dersom du har lengre avstand til ting, så vil tenestene også bli litt meir utvatna og ikkje lagt så mykje sjel i, seier han. Han fryktar at samanslåing av fleire kommunar til ein storkommune vil føra til dårlegare tenestetilbod.

Også professor Nils Aarsether ved Universitetet i Tromsø er skeptisk til at større kommunar vil gje betre tenester.

– Utvalet har heilt rett i at større kommunar gjev større fagmiljø. Men folk som bur i kommunar med store fagmiljø rapporterer på ingen måte at dei er meir nøgde med tenestene, samanlikna med dei som får teneste frå mindre fagmiljø, seier han. (©NPK)

FAKTA: Kommunebarometeret er ikkje ei spørjeundersøking. Målinga inneheld i år 127 ulike nøkkeltal innan 13 forskjellige kategoriar.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

LNK gler seg over pengar til læremiddel på nynorsk for vaksne innvandrarar – men det er behov for meir

Direktoratet for høgare utdanning og kompetanse (HK Dir) lyser ut 1,5 millionar kroner til læremiddel som skal brukast i opplæringa i norsk for vaksne...
Blant klassane på nynorske barneskular som bruker nettbrett eller pc minst éin gong i veka, er det 77 prosent som bruker digitale læringsressursar og læremiddel som berre finst på bokmål. Foto: Pixabay

Språkrådet testa KI-språket – fann grovare og fleire feil på nynorsk

Språkrådet har testa kor god ChatGPT i bokmål og nynorsk. Kunstig intelligens (KI) pregar stadig meir av kvardagen vår – på jobben, på skulen og...

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Oslo kommune har to nynorskelevar i grunnskulen – får 11 millionar til språkdelte klassar på ungdomstrinnet

Mållaget er fortvila over at pengane til å sikra nynorskelevar i randsonene vert fordelt på alle kommunar. Saka vart først publisert på Framtida.no. Om foreldra til...