Heim Nyhende Betre flytilbod på søre Sunnmøre

Betre flytilbod på søre Sunnmøre

Frå 1. april vil staten betale for fleire flyruter og flysete til og frå Hovden flyplass.

 

I dag har flyplassen fire ruter som er subsidierte av staten, men frå april blir det seks slike ruter frå Hovden, skriv Sunnmørsposten. Samtidig blir kravet til setekapasitet auka, frå 600 til 1150 sete i veka, og frå 115 til 230 sete i helgane.

 

I tillegg til krava om minimumskapasitet frå staten, driv Widerøe også kommersielle flyruter til og frå Hovden. Ein vanleg dag går det sju fly ut og sju fly inn til flyplassen mellom Ørsta og Volda.

Kven som har lagt inn tilbod på dei nye flyrutene til og frå Hovden, er ukjent for sekretær i Utviklingsforum-Hovden lufthamn Martin Foldal.

– Men eg håpar at Widerøe får tilbodet, for dei har vi godt samarbeid med og vi er nøgde med servicen, seier Foldal til Sunnmørsposten. Han ser likevel ikkje bort frå at det kan bli godt samarbeid med eit anna selskap også.

Næringslivet og den maritime klyngja på søre Sunnmøre kjempar for betre flytilbod til og frå Bergen. I denne tilbodsrunden er det ikkje lagt opp til fleire fly, men setekapasiteten til Bergen aukar frå 150 til 210 på kvardagar, og 35 til 40 i helgane. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...