Nordmenn som brukar både nynorsk og bokmål får fleire føremonar som fleirspråklege. Fleirspråklege er mellom anna meir språkleg bevisste og presterer betre på skulen i matte.
Det er i Aftenposten sin artikkelserie om språk, som går no i påsken, at dette temaet no blir reist. Artikkelen visar til undersøkinga professor Mila Vulchanova ved NTNU gjennomførte i fjor. Denne undersøkinga vart gjennomført mellom 50 personar, og den viste mellom anna at når ein blir eksponert for både nynorsk og bokmål, så får ein kognitive føremonar som tospråkleg.
Undersøkinga er gjort på oppdrag frå Språkrådet, og Vulchanova får langt på veg støtte frå fleire hald.
Språkforskar Øystein Vangsnes ved Universitetet i Tromsø seier mellom anna til Aftenposten at mange språkforskarar er samde i at ein ikkje blir betre i bokmål av å berre fokusere på bokmål, men at nynorsk og bokmål til saman gir meir kunnskap.
Vangsnes er no med i eit tverrfagleg forskingsprosjekt som skal undersøke regionale skilnader på skulerresultatat, og skal spesielt sjå på kvifor skuleelevar i i Sogn og Fjordane presterer betre enn andre. Sogn og Fjordane er det fylket i landet som har flest nynorskelevar, her er97,3 prosent av elevane i grunnskulen nynorsk som hovudmålform.
Les heile saken i Aftenposten.
