Heim Nyhende Bokhaust med ny profil

Bokhaust med ny profil

Samlaget la nyleg fram ei variert haustliste. Samstundes lanserte dei ny nettside og grafisk profil.

Totalt presenterer Det Norske Samlaget elleve debutantar denne hausten, åtte som skriv for vaksne, og tre som skriv for barn og unge.

Eg er stolt over å kunne leggje fram ei haustliste som inneheld heile elleve debutantar. Det er altså så mange som har komme trygt gjennom den lange og krevjande prosessen det er å utvikle eit manus til det som blir ein bokdebut. Dette er gode bøker, som vil bli viktige for mange lesarar.

– Samlaget satsar medvite på dei nye stemmene og bruker store ressursar på å hjelpe fram dei nye forfattarane. Det er desse som skal skrive bøkene i tiåra framover. Utvikling av skjønnlitterære forfattarskap er framfor alt langsiktig arbeid, det einaste som kan gi eit forlag resultat som varer over tid, med andre ord: litterær kapital, seier forlagssjef Margit Walsø i ei pressemelding.

Variert liste
Aino Basso debuterer denne hausten med vaksenlitteratur. Fange 59. Taterpige er eit sterkt portrett av ei ung jente som får livet snudd opp ned. Med seg på debutantlista for vaksenlitteratur har ho Atle Berge, Sindre Ekrheim, Ingvild Holvik, Ragnhild Kolden, Berit Rødstøl, Kristin Sørsdal og Terje Tørrisplass.

Av omsett skjønnlitteratur presenterer Samlaget i haust den danske forfattaren Pia Juul. Boka hennar, Mordet på Halland, er hylla av eit samla dansk og svensk kritikarkorps. I tillegg introduserer Samlaget ein ny krimserie av Matti Rönke, Finlands svar på Mankell, med handling frå grensetraktene mellom Russland og Finland.

Ny drakt
Lista viser elles at Samlaget si satsing på barne- og ungdomslitteratur held fram, med ein sterk debut frå Asbjørn Rydland, som kjem med fantasy-romanen Drakeguten, og Cherub-serien, ein britisk barneboksuksess som endeleg kjem på norsk. Serien fortel om livet til hemmelege barneagentar som infiltrerer kriminelle miljø.

Samstundes kjem Samlaget også med nye nettsider og ny profil.

– I år møter me dykk i ny drakt. I tillegg til å lansere bøkene våre har vi også lansering av ny logo, ny heimeside på samlaget.no og ja; heilt ny visuell profil, som det heiter – rett og slett ny Samlags-bunad, kunne forlagsdirektør Tove Lie slå fast i ei pressemelding.

Sjå dei nye nettsidene her.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...

Rekordtal for nynorskinnhald i Store norske leksikon

I over 100 år var Store norske leksikon (SNL) nesten berre på bokmål. Men etter at SNL og Nynorsk kultursentrum gjekk saman...

Miljøstøtte frå Vestland til Framtida Junior

Framtida Junior vil laga til miljøjournalistkurs for barn og unge fleire stader i Vestland no i haust, og gje ut ei miljøutgåve...