Mange innflyttarar frå Bergen fører til bokmålsauke på strilalandet.
– Ungane mine skal ikkje snakke stril, seier trebarnsmor Linda Eiknes til NRK Hordaland.
Sidan 2000 har talet på bokmålselever i Hordaland gått fram med fem tusen. Den auken finn ein nesten utelukkande i Bergen kommune og i kommuane rundt. Bokmål har vokse mest i Fjell kommune, men det er også ei betydeleg auke i sentrale strøk av Nordhordland, samstundes som Bergen har mista halvparten av sine nynorsk-elevar, skriv NRK Hordaland.
– Dette er et resultat av at folk flyttar inn til Bergen, samstundes som bergensarane trekkjer ut i nabokommunane, seier skulemålansvarleg i Hordaland Mållag, Oddvar Skre til NRK Hordaland.
Han er ikkje noko glad over språkutviklinga.
– Dette synest me ikkje noko om. Me meiner også folk som snakkar bergensdialekt har store fordeler med å lære nynorsk som førstespråk. Du blir bedre i både bokmål og nynorsk og du får eit større ordforråd. Erfaring viser også at når barn har brei språkbakgrunn, har dei også lettare for å lære andre språk, meiner han.
