Heim Nyhende "Bråk" i Odda

“Bråk” i Odda

Onsdag opnar Litteratursymposiet i Odda. Tema dette året er ”bråk”.

– Odda er ein bråkete plass, både historisk, industrielt og politisk. Det var derfor naturleg å velje ”bråk” som tema for årets litteratursymposium i Odda, seier Marit Eikemo, festivalleiar for Litteratursymposiet i Odda.

Det var derfor heilt naturleg å leggje eit arrangement til kommunestyresalen i Odda.

– Det er ikkje nokon plass i byen det har vore så mykje bråk som i kommunestyresalen, så for første gong skal festivalen ta plass der, seier Eikemo, som meiner det er viktig å bruke dei romma Odda har. Her skal professor Arild Linneberg drive litterær høyring med Vigdis Hjorth, Dag Solstad og Fredrik Fasting Torgersen.

Indre bråk

Programmet for festivalen i år speglar at bråk kan ha mange fasettar, men også ein motsets i stilla.

– Indre bråk er mellom anna eitt perspektiv vi skal sjå nærare på, seier Eikemo, og viser til Knut Olav Åmås og Jan Erik Vold som skal samtale om Gunvor Hofmo og Olav H. Hauge, som båe to lei av ein form for indre bråk. Tema for samtalen blir derfor forholdet mellom litteratur, sjukdom og institusjon.

Det blir også meistermøte mellom forfattarane Kjell Askildsen og Dag Solstad som garantert vil berøre bråk og støy i det litterære feltet. Symposiet vil dessutan blåse liv i den litterære parodien, ein tradisjon som har kome litt vekk i seinare tid, seier Eikemo. Publikum vil mellom anna få vere med på urframføringa av teaterstykket Det bles opp, eit parodisk stykke ført i pennen av Tore Fosse (Renberg) og Frode Fosse (Grytten). Odda-rockens 50 år lange historie skal også markerast under symposiet, under fana Rock og røyk.

Låg terskel

Det er sjette året Litteratursymposiet blir arrangert, og Marit Eikemo seier det er lett å få forfattarar og litterære kapasitetar til å kome til Odda.

– For det første er ikkje dette eit typisk bransjestyrt arrangement. Litteratursymposiet er ein intim festival, og det er låg terskel hjå innbyggjarane og tilreisande for å kome på festivalen. Vi opplever også at det blir eit stadig større faglig miljø, frå heile landet, som kjem til Odda. Det har blitt eit hyggeleg møtepunkt mellom forfattar og publikum, og forfattarane vil gjerne kome hit.

Nytt av året er at ein vil ha parallelle sesjonar. Det har vore ei utfordring for festivalen at det blir meir enn fullt på arrangementa, og at ikkje alle får gå på det dei ønskjer. Eit luksusproblem, har Marit Eikemo uttalt tidlegare. Men no vil ein prøve ut nokre sesjonar som skal gå parallelt og sjå om det kan gjere at fleire får nytta seg at fleire tilbod.

Kulturministeren kjem

Sjølve opninga på onsdag er det kulturminister Anniken Huitfeldt som skal stå for. Ho held opningstala under Litterær kraftstasjon, og det markere også opninga av Litteraturhuset i Odda. Byggetrinn 1 er ferdig, og det gir symposiet og Odda enno ein ny arena, seier festivalleiar Eikemo.

Litteratursymposiet i Odda finn stad 12. – 16. oktober.

NYNORSK INSPIRASJON

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

MEST LESE

Gratis boktips til nettsidene til bibliotek og skular

No kan du få siste bokmeldingar, bokomtalar og forfattarintervju frå Lesedigg.no direkte inn på nettsidene til biblioteket eller skulen din. I juni opna den nye...

125 årsjubileum for Tarjei Vesaas : – Kanskje den fremste litteraturen som er skriven i dette landet

Som tenåring gjekk Tore Renberg til lokalavisa for å kjøpe eit portrett av forfattaridolet sitt, medan kultur- og likestillingsminister Anette Trettebergstuen framleis sit med...

Språksjov-Linda vedgår: – Mange vil gjerne inn i skåpet mitt

Dette er det andre intervjuet i årets sommarserie. Mykje moro og mange bilete av den fargerike vossingen og sjefen for den populære...

Guri Vesaas får Storegutprisen under Litteraturdagane 2022

På Litteraturdagane i Vinje blir tidlegare redaktør i Det Norske Samlaget, Guri Vesaas, heidra med Storegutprisen. Ho får prisen spesielt for den...