Heim Nyhende Budsjettforliket gav pengar til Vinje-senter

Budsjettforliket gav pengar til Vinje-senter

I budsjettforliket mellom Høgre/Frp-regjeringa og støttepartia KrF og Venstre vart det sett av pengar til oppstart av Vinje-senteret for dikting og journalistikk i Vinje i Telemark.

– Eg er hoppande glad, seier direktør Ottar Grepstad i Nynorsk kultursentrum, som saman med Vinje kommune står bak museumssatsinga.

Ottar Grepstad er strålande nøgd med å få midlane til Vinjesenteret. Foto: Lars O. Flydal/pressefoto
Vinje-senteret kom i siste runde inn på statsbudsjettet med ei løyving på 1,2 millionar kroner. Dermed kan det nye museet for dikting og journalistikk i Vinjar samfunnshus tilsetje den første medarbeidaren neste år.

– Vi er avhengige av at Vinje kommune løyver sin del for 2017, og det stoler eg på at Vinje kommunestyre gjer 15. desember, seier Grepstad.

I prosjektplanen er det lagt opp til eit driftsbudsjett på 2,6 millionar kroner det første driftsåret, der Vinje kommune og Telemark fylkeskommune bidrar med kvar sin del. Stiftinga Nynorsk kultursentrum skal stå for drifta av museet.

Vinje-senteret er tenkt som eit museum for dikting og journalistikk på nynorsk og bokmål og er kalla opp etter journalisten og forfattaren Aasmund Olavson Vinje frå Vinje.

I budsjettforliket fekk òg Nynorsk pressekontor og Nynorsk avissenter auka støtta med 0,5 millionar kroner kvar, mens Landslaget for nynorskkommunar (LNK) fekk 0,3 millionar kroner. I 2016 får LNK ei støtte på 1,2 millionar kroner. (©NPK)

LES OGSÅ: LNK så vidt inne i statsbudsjettet – ber om hjelp frå Stortinget

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...