Eit gründerpar frå Gulen har oppretta ei ny helseteneste på nett. På lege.no kan du ha videokonsultasjon med ein lege.
Lege.no opna torsdag 1. mars. Her kan du som pasient få moglegheit til å kjøpe ein konsultasjon med ein lege, og samtalen føregår som ein live-chat, fortel Firda.no. Ein konsultasjon varar i 20 minutt og kostar omlag det same som ein vanleg legetime.
– Svært mange legar har avgrensa tilgjengelegheit på telefon og ventetida på time kan vere lang. Lege.no har knytt til seg fleire dyktige legar som no sitt klare på nettet når brukaren loggar seg på, fortel ein av utviklarane, Lill Dyveke Wilberg.
Saman med ektefellen Njål Wilberg har ho utvikla denne tenesta. Paret har tidlegare utvikla søketenesta AskADAM og musikkstreamingtenesta Beat.
