Heim Nyhende Stillingsutlysing: Dagleg leiar for LNK

Stillingsutlysing: Dagleg leiar for LNK

– Spennande leiarstilling

Landssamanslutninga av nynorskkommunar, LNK, er ein interesseorganisasjon for kommunar og fylkeskommunar med føremål å fremja nynorsk språk og kultur. Organisasjonen tek og på seg informasjons- og kulturfaglege oppgåver som set nynorsk språk inn i nye samanhengar. Ved sida av kursverksemda legg LNK særleg vekt på tilbod til barn og unge. Organisasjonen driv mellom anna Framtida.no, Framtidajunior.no, Magasinett.no, Pirion.no, Startsida.no og LNK.no. Organisasjonen har i dag åtte tilsette. Dagleg leiar går av med pensjon frå årsskiftet og vi søkjer hans etterfølgjar.

Dagleg leiar har det daglege ansvaret for drift og utvikling av organisasjonen. Han eller ho skal følgja opp medlemskommunane, og sjå til at styret og Landstinget sine vedtak vert gjennomførte. Dagleg leiar har ansvaret for å leggja til rette og utvikla LNK si kursverksemd.

Vi ønskjer ein dagleg leiar som:

• Identifiserer seg med saka og vil vera ein pådrivar internt og overfor kommunar og sentrale styresmakter

• Har interesse for språkpolitisk arbeid, og kunnskap om offentlege prosessar

• Har gode samarbeidsevner og kan skapa engasjement blant tilsette og medlemskommunar

• Har gjennomføringsevne og er oppteken av resultat

• Har utdanning frå høgskule/universitet

• Har god skriftleg og munnleg framstillingsevne

Vi tilbyr:

• Spanande og utfordrande arbeidsoppgåver

• Løn etter avtale

• God pensjonsordning

• Hovudkontor i Oslo, med mogelegheit for å jobba frå heimekontor

Meir informasjon finn du på LNK.no, og spørsmål om stillinga kan rettast til styreleiar Solfrid Borge, som har telefon 95243044.

Søknad må sendast til solfrid.borge@lofthus.no innan 20. juni 2021.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Strategi for Nynorskkommunane (LNK) 2025-2029

Landstinget vedtok ny strategi for Landssamanslutninga av nynorskkommunar – LNK. Strategien bygger på prinsipprogrammet til LNK: • LNK skal leggja til rette for at medlemene kan vera...

Jubileumsfeiringar, sterke stemmer og sommarstemning under Festspela

Festspela 2025 vart ei levande og meiningsfull markering av nynorsk språk og kultur. Med fantastisk sommarvêr, sterke kulturopplevingar og eit engasjert publikum, er det...

– No er vi klare for Festspela!

– Vi gler oss til å ta imot gjestar i alle aldrar til ein levande og samlande festival, seier festspelsjef og konstituert arenaleiar Ida...

Fråsegn frå landstinget til LNK: – Kommunane må få dekkja kostnadene til språkdelte klassar

Landstinget til LNK kjem med klart krav til at kommunane må få dekkja dei kostnadene dei har til språkdelte klassar i ungdomsskulen. Etter den nye...