14. februar ønskjer prosjektet «Klart språk i staten» velkomen til klarspråkkonferanse i Oslo. Statsråd Rigmor Aasrud skal dele ut Statens klarspråkspris for 2011 under konferansen.
Klarspråkprisen blir delt ut til eit statleg organ som har gjort ein ekstraordinær innsats for å betre språket i sin kommunikasjon med publikum. Prisen blir delt ut for tredje gong. Tidlegare prisvinnarar er Lånekassen og Utlendingsdirektoratet. Prisvinnarane må ha gjennomført konkrete tiltak med gode resultat.
Prosjektet «Klart språk i staten» og nettstaden deira er eit samarbeid mellom Direktoratet for forvaltning og IKT og Språkrådet.
Under konferansen i februar skal dr. Neil James, som leiar International Plain Language Working Group vere med. Han har publisert fleire bøker og artiklar om klarspråk. Dekan Hans Petter Garver ved Det juridiske fakultet ved Universitetet i Oslo skal snakka om lovspråket og kva omsyn ein må ta om ein skal endre språket i lovtekstar. Seniorrådgjevar Inger Riis-Johannessen frå lovavdelinga i Justisdepartementet skal snakka om dråleg språkleg kvalitet i regelverk og kva som kan blir gjort for å betre kvaliteten. NAV skal også fortelje om sitt arbeid med klarspråk.
Konferansier for klarspråkkonferansen er Eirik Bergesen. Bergesen leiar mediebyrået Norsk Opplysningsproduksjon (NOPP) og lager mellom anna satiresida Opplysningskontoret.org. Han har jobba som tekstforfattar for mellom andre radioprogrammet Hallo i uken, Are Kalvø, Harald Eia og Bård Tufte Johansen. I tillegg har Bergesen jobba ti år i Utenriksdepartementet.
