Heim Nyhende Det Norske nominert til flest teaterprisar

Det Norske nominert til flest teaterprisar

Det Norske Teatret kan håve inn ni Hedda-prisar, mellom anna dei gjeve prisane for beste mannlege og kvinnelege hovudrolle når teaterprisane blir delte ut i juni.

 

Hedda-prisane blir delt ut årleg av Norsk teater- og orkesterforeining for framifrå prestasjonar innan norsk scenekunst. Nominasjonane for i år vart klare måndag. I alt har juryen vurdert over 150 teaterframsyningar og har nominert i ti klassar. Nytt av året er ein eigen pris for beste scenetekst.

– Det som kjenneteiknar teateråret 2013-2014, ved sida av det store spennet i sjanger og tematikk, er blant anna svært mange gode framsyningar for barn og unge, og stor geografisk spreiing på dei nominerte, seier jurymedlem Amund Grimstad.

Spretten Glimmerdal

I klassen beste mannlege hovudrolle går to av tre nominasjonar til roller ved Det Norske Teatret. Vidar Magnussen er nominert for rolla som seremonimeister i «Shockheaded Peter», Emil Johnson for rolla som den 15 år gamle autisten i «Det merkelege som hende med hunden den natta». Den tredje nominerte er Finn Arve Sørbøe for tittelrolla i «Jeppe» på Hålogaland Teater.

I klassa beste kvinnelege hovudrolle er Heidi Ruud Ellingsen nominert for tittelrolla som fartsfylt tiåring i Det Norske Teatrets «Tonje Glimmerdal», som også er nominert i klassen beste barne- og ungdomsframsyning. Ellingsen må konkurrere om Heddaprisen med Ingjerd Egeberg for rolla som Blanche i «En sporvogn til begjær» på Nordland Teater og Mariann Hole for rolla som Lulu på Nationaltheatret.

Nationaltheatret-kollegaen til Hole, Henriette Steenstrup, er nominert som beste kvinnelege medspelar for innsatsen i Ole Ivars-musikalen på Torshovteatret. Ho får konkurranse av Renate Reinsve og Yvonne Øyen.

Godot-nominasjonar

Av dei ni nominasjonane til Det Norske Teatret, går to til ein produksjon gjort saman med Riksteatret – «Mens vi venter på Godot». Duc Mai-The og Sigmund Sæverud er begge nominert i klassen beste mannlege medspelar for rollene i Godot-oppsetjinga, som var regidebuten til Bjørn Sundquist. I denne klassa er også Eirik de Barco Soleglad nominert for rolla som prins i «Robin Hoods hjerte» på Den Nationale Scene i Bergen. Denne framsyninga er også nominert for årets barn/ungdomsframsyning.

Flest nominasjonar til ei enkeltframsyning har det fem timar lange festspeleposet «Coelacanth» av Alan Øyen og Trøndelag Teaters svarte komedie «Besøk av gammal dame» fått. Trøndelag Teater kan glede seg over i alt seks nominasjonar, medan Nationaltheatret, der prisane skal delast ut 15. juni, har fått fem nominasjonar. (©NPK)

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorsk teaterjubel i raudgrøn budsjettsemje

– Alle som er glade i nynorsk scenekunst, kan sende ein varm tanke og ei hjarteleg takk til Audun Lysbakken og SV. Det seier leiar...

Ny lærebok vil vise at nynorskopplæring er moderne

Lærarstudentar og norsklærarar som strevar med nynorsk får gjennom ei ny bok høve til å styrkje nynorskkompetansen sin. – Boka er sett saman av ulike...

Vel nynorsk for barnet ditt!

Er du ein av dei mange tusen føresette som veit at dette er siste året i barnehage, og neste haust er det skulestart? Kanskje...

Det nynorske næringslivet foreinar kreftene

Den nye medlemsorganisasjonen Nynorsk bedriftsforum skal vere eit landsdekkande nettverk av og for nynorskbedrifter. Målet er å betre dei språklege arbeidsvilkåra for nynorskbedriftene, slik...