Heim Nyhende Her trivst elevane aller best

Her trivst elevane aller best

Fiskarstrand skule i Sula kommune har aller best trivsel i heile Noreg.

 

 

Sist veke blei deler av resultata av Elevundersøkinga lagt fram. 400.000 elevar frå femte trinn til siste på vidaregåande har svart på spørsmål om korleis dei har det på skulen.

Ingen elevar i landet trivst betre enn 7. klassingane ved Fiskarstrand skule i Sula kommune. Berre 7. klassingane ved Ebbestad skole i Svelvik trivst like godt. Av fem moglege poeng, får skulane full score. Snittet i landet er 4,4 poeng.

– Det er jo fabelaktig, seier rektor Arne Birkeland. Han trur dei fleste skulane i landet gjer sitt beste for å ha bra trivsel. Han fortel om bra samarbeid med elevrådet på skulen og foreldra.

– Elevane våre blir høyrt på det jamne. Menneskesynet og elevsynet er me sams på heile skulen.

– Foreldra er glade i skulen til ungane sine. Det er gull verdt, seier rektor. Sjølv om trivselen er god, fortel han at uteområdet er langt frå fantastisk, og at dei gjerne kunne hatt betre plass på skulen.

Godt samhald
7. klassingane Thea Stadsnes og Henrik Remme sit i elevrådet ved Fiskarstrand skule. Dei er godt nøgde med skulen sin og fortel om godt samhald på tvers av klassetrinna – både på skulen og i fritida.

– Me har ei fadderordning på skulen der elevane i femte klasse passar på dei i første, dei i sjette passar på dei i andre og me i sjuande passar på dei i tredje, fortel Thea.

Tidlegare i år var ho med på å arrangera fotballskule for SFO-elevane saman med nokre klassekameratar.

– Me leikar både gutar og jenter saman på skulen, seier Henrik.

– Viss nokon blir leie seg, tar lærarane det opp med elevane, legg han til.

Når elevane jobbar godt og effektivt, får dei ofte ei belønning for strevet.

– Då kan me av og til få velja prosjekt som me skal jobba med. Det er veldig kjekt å laga powerpoint-prosjekt. Eller så få me teikna litt. Då får me lyst til å jobba hardare, seier Thea.

Skulen har kjøpt inn nettbrett som elevane synest er veldig kjekt å få bruka.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Telemark fylkeskommune skal bruka minst 40 prosent nynorsk

– Eit godt og forpliktande vedtak, seier Noregs Mållag. Telemark fylkeskommune skal vera språkleg nøytralt og bruka minst 40 prosent nynorsk, har det nyleg blitt...

Desse endringane kan kome for nynorsken

Eit nytt spørjeord og nye kjønn på substantiv er noko av det Språkrådet har føreslått. Du har kanskje fått med deg at Språkrådet ønskjer at...

Alle nye lover bør kome på nynorsk!

Det er nynorsken sin tur til å bli favorisert i lovtekstane. Nynorskprosenten må opp. Når Stortinget vedtek ei lov, er ho skriven anten på bokmål...

NRK klarte ikkje nynorskkravet på radio og nett

NRK klarte nynorskkravet på TV, men ikkje radio og nett. Norsk Målungdom etterlyser fleire nynorskjournalistar. NRK har eit krav om 25 prosent nynorsk på kvar...