Heim Nyhende Diskuterer nynorsknormen

Diskuterer nynorsknormen

– Eg er så glad for at det skal kome ei enklare norm, seier ein av dei som er med og diskuterer rettskrivingsnormen på forumet Nynorsk2011.

Kvinna som gler seg over at det kjem ein ny norm er norsklærar på Austlandet. Ho etterlyser tydlegare skilje mellom nynorskord og bokmålsord. Det må heller ikkje vere så mange alternative skrivemåtar, meiner ho.

Språkrådet har sett ned ei gruppe som skal utarbeide ein ny rettskrivingsnorm for nynorsken, og denne gruppa har oppretta diskusjonsforumet på www.nynorsk2011.org. Her kan alle som vil registrere seg og kome med sine meiningar om korleis den nye normen bør vere. Ein av dei meir ordrike diskusjonane i forumet går mellom anna på om fjerning av dialektord vil gange eller såre nynorsken.

Ikkje alle er opptekne av berre å debattere, somme kjem med nokre hjartesukk:

– “Oske stoppa dronninga” las eg nyleg i avisa. Det fekk meg til å tenkje på Oskeladden og Askepott. Ville han ha tjangs på henne om han skifta namn, tru?.

Forumet Nynorsk2011 vart oppretta i april, og føremålet er å gjere det muleg for folk å kome i kontakt med rettskrivingsnemda. Seniorrådgjevar Marit Hovdenakk hjå Språkrådet er fornøgd med aktiviteten så langt.

– Det er nok ikkje dei som er mest enige med oss i utgangspunktet som er inne og kommenterer, og det er for så vidt bra, seier ho til LNK.no. – Så langt har det berre vore saklege innlegg.

Ho reknar med at det først og fremst er folk som er vane med denne type medium som finn vegen til nettforumet. Kor lenge forumet skal vere ope er ikkje bestemt enno, men instillinga frå rettskrivingsgruppa skal i alle høve overleverast 1. april i 2011.

NYNORSK INSPIRASJON

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

Voss herad er Årets nynorskkommune: – Det same som verdsmeister i nynorsk

Kulturdepartementet heidrar Voss herad for klar og tydeleg informasjon på nynorsk under koronakrisa. – OL-og VM-medaljer har me i bøtter...

Fem bibliotek kan bli nynorskfyrtårn

På landsmøtet i Noregs Mållag i helga lanserer direktør i Nynorsk kultursentrum Per Magnus Finnanger Sandsmark ei ny satsing på nynorskformidling i...

Tips til digital litteraturformidling på nynorsk

Kreativiteten i den digitale litteraturformidlinga blømer i desse koronatider! Utlånet av digitale bøker har auka dramatisk etter at biblioteka stengde. Her har me samla fleire tips...
Foto: Colourbox

Her finn du digitale skuleressursar på nynorsk

Her får du hjelp til å finna digitale ressursar på nynorsk til bruk i skulen. Stengde skular og digital heimeskule viser kor viktig det...

MEST LESE

Målrørsla om statsbudsjettet: – Støre bør finna fleire nynorskmillionar

Sjølv om regjeringa på fleire område vidarefører satsinga på nynorsk og føreslår enkelte nye nynorske tiltak, etterlyser fleire sentrale nynorske aktørar ei...
Forlagsdirektør Edmund Austigard er nøgd. Foto: Samlaget

Ny forfattarskule inn på statsbudsjettet

Det norske Samlaget og Minotenk har oppretta Forfattarskulen for skrivande med minoritetserfaring. I sitt forslag til statsbudsjett, sette regjeringa...

Uroa for støtta til tiltak for nynorsk i barnehagar og skule

Landssamanslutninga av nynorskkommunar (LNK) etterlyser ei nynorsksatsing i budsjettet for Kunnskapsdepartementet. – Nynorskkommunane etterlyser fleire midlar til satsingar på...

Alver-ordføraren tar over som leiar av LNK

Sara Hamre Sekkingstad, ordførar i Alver kommune, blei på torsdag vald som leiar av styret for LNK Nynorskkommunane då landstinget var samla...