Nærmare 40 prosent av landets kommunar har eigedomsskatt. Berre sidan kommunevalet i 2007 har 33 nye kommunar innført skatten.
I 2001 var det til saman 114 kommunar som hadde eigedomsskatt på private bustader. No har 166 kommunar eigedomsskatt, viser tal frå KS og Huseiernes Landsforbund.
Ein pressa kommuneøkonomi og oppfordringar frå fylke og departement om å hente ut det som måtte liggje av inntekter i kommunen blir oppgitt som grunn for innføringa av eigedomsskatt på bustader, skriv Nationen.
Dei siste par åra har likevel åtte kommunar gått motsett veg ved å kutte eigedomsskatten.
Eigedomsskatt er ei frivillig kommunal skatteform, og det er kommunestyra som avgjer om kommunen skal ha eigedomsskatt. (©NPK)
