Heim Nyhende Elevar vil lese nynorsk

Elevar vil lese nynorsk

Påmeldinga til den nasjonale nynorske leseaksjonen Tid for ti blei fullteikna ei veke før fristen. 

Leseaksjonen “Tid for ti” gjeld 7. trinn i den norske skulen. Her får dei påmelde elevane ein antologi med utdrag frå ti ulike ungdomsbøker på nynorsk. Opplaget er på 15.000, og det var altså like mange elevar som melde seg på – før fristen hadde gått ut.

Prosjektleiar i Foreningen !les, Ole Ivar Burås Storø, fortel i ei pressemelding at interessa for Tid for ti tydar på at det er eit behov og eit ynskje frå skular i heile landet om meir nynorsk litteratur. 

Tid for ti-aksjonen blei starta i 2015 som eit samarbeid med Nynorsksenteret og andre nynorskaktørar. 

Meir leselyst
– Tilbakemeldingane tyder på at prosjektet har gitt meir språkleg sjølvtillit til nynorskelevane, mindre fordommar mot sidemålet for bokmålselevane, og meir leselyst til alle, seier Torgeir Dimmen, leiar ved Nynorsksenteret. 

Etter lanseringa av kampanjen skal Fylkesbiblioteket i Sogn og Fjordane reise rundt i fylket for å besøkje skular saman med Foreningen !les og forfattar Anders Totland, som har skrive Engel i snøen, ei av dei ti bøkene som er inkludert i antologien.

– Fritidslesinga har stor effekt på lesekompetansen hos barn og unge. Difor er det viktig å innarbeide gode lesevanar tidleg, seier fylkesbiblioteksjef Siri Ingvaldsen.

LES OGSÅ: Fleire nynorskelevar i 2016.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...