Heim Nyhende Per Olav Kaldestad blir festivalforfattar

Per Olav Kaldestad blir festivalforfattar

Per Olav Kaldestad blir festivalforfattar under verdas einaste nynorske barnebokfestival – Falturiltu på Stord – i november.

Allereie under Vossa Jazz, 8. april, kan du få ein forsmak. Bandet Morgonfrosken, med tekstar av Kaldestad, og oppkalt etter diktboka hans Når morgonfrosken syng, spelar opp.

Les intervju med bandet her!

Temaet for Falturiltu 2017 blir «Svev og stev» som spelar på tematikken i Per Olav Kaldestad sin omfattande forfattarskap, og det er naturleg at barnedikt er fokus for årets festival.

– Sonettar, frie vers eller gjendikting, skjønnlitteratur, essays eller barnebøker – Per Olav Kaldestad har meistra det meste i sitt forfattarvirke, skriv Trond Leirvik Onarheim i ei pressemelding.

Kaldestad debuterte med diktsamlinga Kikkert i 1973, og har sidan den gong utmerka seg som ei særs mangfaldig, produktiv og dyktig stemme innanfor samtidslitteraturen.

Dei mange barnebøkene hans har vorte særs populære, og spesielt dikta for born i Sola klappar meg (1990) og Når morgonfrosken syng (2003) og biletbøkene Med kråkenebb og kråkeføter (2010) og Dronninga kallar (2016) som begge er laga saman med illustratøren Hilde Kramer (bildet).

LES OGSÅ: Per Olav Kaldestad skildrar bieliv i ny barnebok

Mange av tekstane hans er også tonesett, av artistar som Vamp, Aftenlandet, Kenneth Sivertsen og Annlaug Børsheim. 

Sentralkomitéen i Falturiltu i 2017 består av Anna R. Folkestad, Jane Jünger, Hege Myklebust, Trond Onarheim og festivalleiar Roald Kaldestad.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Nynorsk rettskriving

Færre elevar har nynorsk som hovudmål

No har ein av ni elevar nynorsk som opplæringsmålform. Leiar ved Nynorsksenteret er ikkje overraska, men ser det òg i samanheng. 11,4 prosent av norske...

Nynorskkommunane støttar økonomisk likestilling for Det Norske Teatret

Styret i Nynorskkommunane – LNK stiller seg bak Tett gapet – aksjonen for å auka tilskotet til Det Norske Teatret. Nynorskteateret i hovudstaden manglar 30...
Språkrådet og språkdirektør Åse Wetås meiner den nye læreplanen kan svekkje den samla norskkompetansen til elevane. Foto: Moment Studio/Språkrådet

Undersøking: Nynorsken står svakt i lærarutdanninga

I ei undersøking går det fram at mange lærarstudentar kan fullføre studiet utan å bli vurderte i nynorsk. Over 70.000 elevar her i landet...

BankID også på nynorsk

I 20 år har BankID vore tilgjengeleg på bokmål og engelsk. No er nynorsk eit alternativ for dei som ønskjer det. Nyheita om at BankID...