Noregs Mållag etterlyser no kandidatar til Nynorsk næringslivspris.
For fjerde året skal Noregs Mållag no dele ut Nynorsk næringslivspris. No er dei på jakt etter gode kandidatar.
Framlegg kan vera både på reine nynorskverksemder eller på verksemder som nyttar nynorsk jamsides med bokmål. Vinnaren vil få høve til å marknadsføra seg gjennom Mållaget sine kanalar. Verksemda får også eit prisvinnarmerke som kan nyttast på nett og i trykksaker, skriv nm.no.
Tidlegare vinnarar er blant andre Kari Traa AS (2008), Hotel Alexandra (2007) og Lerum (2006). Frist for å kome med framlegg er 6.november.
