Heim Nyhende Facebook-omsetjar er Årets nynorskbrukar

Facebook-omsetjar er Årets nynorskbrukar

Martine Rørstad Sand er Årets nynorskbrukar.

 

Det var Martine Rørstad Sand (26) på Hamar som omsette Facebook til nynorsk. No er ho kåra til Årets nynorskbrukar 2016. Ho får prisen for sin eineståande innsats i arbeidet med å gjere det lettare og kjekkare å vere nynorskbrukar i dataspel og sosiale medium, seier styret i Nynorsk kultursentrum i grunngivinga si.

– Eg er svært overraska og glad over å bli tildelt denne prisen, seier Sand. – Nynorsk har betydd veldig mykje for meg, og det er fint å sjå at arbeidet eg har lagt ned for å synleggjere det språket eg elskar, blir lagt merke til av andre.

Prisen er på 100 000 kroner og blir delt ut under opningshøgtida for Dei nynorske festspela i Ørsta 23. juni.

LES OGSÅ: Første Nintendo Wii U-spel på nynorsk

Vurderte 53 kandidatar

Då styret i Nynorsk ultursentrum skulle ta avgjerda, hadde dei 52 kandidatar å velje mellom Det hadde kome inn eksterne framlegg på 23 kandidatar, tilsette hadde føreslått 12, og 17 kandidatar var med frå i fjor.

– Styret tykte at lista med kandidatar var svært sterk, men var ikkje i tvil, fortel direktør Ottar Grepstad. – Der mange snakkar, handlar Sand og omset både Facebook, dataspel og programvare. Ho gjer noko om påverkar den daglege bruken av nynorsk på eit område Nynorsk kultursentrum arbeider mykje med. Martine Rørstad Sand gjer det lettare å vere ung eller eldre nynorskbrukar i den digitale kvardagen, seier Grepstad.

            Det er 16. gongen Nynorsk kultursentrum kårar Årets nynorskbrukar. Prisen blir rekna som den fremste nynorskprisen og blir tildelt personar eller institusjonar som har synt evne til å bryte med språklege og kulturelle konvensjonar om bruk av nynorsk, som gjennom sitt føredøme eller praktiske arbeid gjer det lettare å vere nynorskbrukar, eller som skaper større allmenn forståing for nynorsk.

LES OGSÅ: Facebook-dronninga

Facebook og dataspel på nynorsk

Martine Rørstad Sand (26) frå Sula er utdanna norsklærar, bur på Hamar og studerer no digital kommunikasjon og kultur ved Høgskolen i Hedmark. I mai leverer ho masteroppgåve om bruk av dialekt på Facebook.

Sand har æra for at nynorsk er eit av meir enn 100 menyspråk i Facebook etter at ho har omsett 27 000 ord. Nyleg var ho ferdig med dataspelet «Skuggemeisteren». Dette var den første nynorskversjonen av eit Nintendo Wii U-spel, utvikla av Sarepto studio. PC-versjonen av dette spelet har alt vunne to prisar.

Ho har også omsett programvare for operativsystemet Ubuntu.

 

 

 

 

Årets nynorskbrukar 2000–2016

2000     Høgsterettsdomar Karl Arne Utgård

2001     Hotelldirektør og visepresident i NHO Gerd Kjellaug Berge

2002     Ringstabekk skole

2003     Redaktør Martin Toft

2004     Musikkgruppa Side Brok

2005     Forfattar Kjartan Fløgstad

2006     Forretningskvinne og toppidrettsutøvar Kari Traa

2007     Forlagsredaktør Guri Vesaas

2008     ÅmliAvisa v/redaktør Inger Stavelin

2009     Seksjonsoverlege Ottar Rekkedal

2010     Forfattar Maria Parr

2011     Bloggar Linda Sæbø

2012     Journalistane Ingvild Bryn og Arill Riise

2013     Filosofen Gunnar Skirbekk

2014     Songlyrikarane Aasmund Nordstoga og Odd Nordstoga

2015     Kunsthistorikaren og journalisten Jorunn Veiteberg

2016     Facebook-omsetjar Martine Rørstad Sand

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Nynorskhuset: Det nye, nynorske fyrtårnet

Denne helga opnar Nynorskhuset i Førde. Målet er rett og slett å bli eit nasjonalt kraftsentrum for språk og kultur. – Sogn og Fjordane er...

Nynorskbrukarar flest kjenner seg aksepterte og stolte – men 1 av 6 har fått negative tilbakemeldingar det siste året

Over 16 prosent av nynorskbrukarane har fått negative tilbakemeldingar for språkbruken sin det siste året. To tredjedelar av nynorskbrukarane er heilt einige i at dei...

Slutten for Ålesund som nynorskkommune: – Frykteleg synd

Ålesund har vore den største nynorskkommunen i landet sidan 2019. No vil det nyvalde fleirtalet i kommunestyret at kommunen skal bli språknøytral. Det skriv NRK...

Vi treng eit nynorskløft i lærarutdanningane

I dag er det beint fram tilfeldig om ein student går ut av lærarutdanninga med kunnskap og kompetanse til å gje nynorskelevane ei god...