Heim Nyhende – Fallitterklæring for sidemålet

– Fallitterklæring for sidemålet

– Det betyr mange skritt tilbake for sidemålet dersom denne læreplanen blir gjennomført, seier påtroppande leiar i Norsk Målungdom, Vebjørn Sture om framlegget til ny læreplan i norsk .

Læreplangruppa som Utdanningsdirektoratet har sett ned, har kome med eit nytt utkast til ny læreplan i norsk. Til hausten skal dei endelge framlegga til nye læreplanar i engelsk, matematikk, naturfag, norsk og samfunnsfag ut på høyring før dei endelege planane blir tatt i bruk i skuleåret 2013 – 2014.

I dette framlegget blir sidemålet nedprioritert, ikkje minst blir det lagt vekt på å stille andre kompetansekrav i sidemålet enn i hovudmålet. I framlegget står det at ein etter 10.klasse skal “mestre formverk, ortografi, setningsbygning og tekstbinding på hovudmålet”, medan ein i sidemålet berre skal “mestre sentrale regler i formverket og uttrykkje seg med eit funksjonelt ordforråd i eit bredt utval sjangrar”. I framlegget ynskjer ein å setje bokmål og nynorsk tidleg på dagsorden, men kravet til skriftleg kompetanse kjem ikkje før på ungdommskulen, skriv nm.no.

Læreplangruppa tek også til ordet for å avslutte sidemålsopplæringa etter Vg2, i kompetansemåla for Vg3 står det ikkje noko, verken om nynorsk, sidemål eller hovudmål. I framlegget står det heller ingenting om vurdering, det skal derimot utarbeidast i eit separat forslag.

– Det er ingen som er nøgde med sidemålsopplæringa slik den er i dag, men dette framlegget er reine falitterklæringa for sidemålet, slår Sture fast til lnk.no og viser til at læreplanen i norsk blir det arbeidsfeltet med høgast prioritering hjå målungdommen i lang tid framover.

Noregs Mållag skal ha styremøte i helga, og vil uttale seg på måndag om korleis dei stiller seg til framlegget som no ligg på bordet.

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

Kan nokon snart skru av internett?

Internett har tatt kontroll over norske klasserom. Vi må endre den digitale skulekvardagen. Internett har kome for å bli. Det opnar verda og både spreier...

Høgre vil svekkje nynorsken for å styrkje ungdomsskulen

– Ungdomsskulereforma til Høgre er eit dårleg skjult åtak på nynorsken, seier leiar i Noregs Mållag, Peder Lofnes Hauge. Høgre vil fjerne karakteren i skriftleg...

Jorid Lekve Eide blir ny arenaleiar ved Haugesenteret

Jorid Lekve Eide er tilsett som ny arenaleiar ved Haugesenteret i Ulvik. Ho tek over etter Geir Netland som etter 10 år i stillinga...

Aina Basso er årets festivalforfattar på Falturiltu

Aina Basso har turnert landet rundt med spennande formidlingar og til hausten vil Falturiltu løfta fram heile forfattarskapen hennar under årets tema: FAKTISK og...