Falturiltu-festivalen på Stord er i full gang. Odd Nordstoga, Maria Parr og Ragnar Hovland opna det heile.
Odd Nordstoga, Maria Parr og Ragnar Hovland opna Falturiltu 2012 i Stord kulturhus, søndag 4. november.
Ikkje minst imponerte det forrykande avslutningsnummeret «Kveldssong for deg og meg» saman med dansarar frå Heiane mottakssenter, jentekoret Aspane, Stord kulturskule sitt ukuleleorkester og Storm Weather Shanty Choir.
Festivalen held fram like til fredag, seinare i dag kan ein blant anna oppleve rockemusikal basert på Ragnar Hovland sine tekstar og vaksenbokkveld der Marit Eikemo, Helge Torvund og Aina Basso deltek. I morgon blir det bursdagsfest for Norsk Barneblad som er 125 år, medan ein på fredag kan få med seg seminaret Ryk og Reis der blant andre Ragnar Hovland skal fortelje om eigen forfattarskap.
Festivalen blir avslutta med konsert av Finn Erix med gjester fredag kveld.
