Snart kan hardingfela få sitt eige nasjonale senter i Hardanger.
Prosjektet Hardingfelesenter har tilsett Ann Kristin Kjerland som prosjektleiar for det pågåande forprosjektet. Kjerland er lokalisert hjå Hardanger og Voss museum si avdeling på Utne. Med seg på laget har ho ei fagleg styringsgruppe med folk frå Ole Bull-akademiet, Arne Bjørndalssamlinga, Hardanger spelemannslag, Hordaland fylkeskommune, Hardangerrådet og Hardanger og Voss folkemuseum. Dei tre siste har òg løyvd midlar til forprosjektet og Hardangerrådet finansierte tidlegare søknaden til forprosjektet.
Forprosjektet skal finne svar på korleis eit hardingfelesenter skal organiserast og kva det skal innehalde. 1. februar neste år skal prosjektleiaren leggje fram ein rapport som dette og ein søknad om KUP-midlar frå fylket i 2013 som kan vere med og finansiere hovudprosjektet.
Du kan lese meir om Hardingfelesenteret i LNK-avisa som kjem i veke 13.
