Fjell kommune i Hordaland er årets kulturskulekommune 2010.
Prisen vart overrekt av kunnskapsminister Kristin Halvorsen i Fredrikstad fredag.
Saman med Norsk kulturskuleråd sin styreleiar Aase Sætran kunne kunnskapsministeren gi prisen til ein synleg stolt Fjell-ordførar, Eli Årdal Berland.
Juryen seier i grunngjevinga si at Fjell er ein føregangskommune når det gjeld utvikling av eit kvalitativt godt og breitt kulturskuletilbod. I tillegg til ei storstilt satsing på breidde og talent innan kjerneverksemda, har kommunen utvikla kulturskulen til eit lokalt og regionalt ressurssenter for barnehagar, skuleverk og fritidskulturliv, held dei fram. (NPK)
