Trus- og livssynssamfunn utanfor Den norske kyrkja veks, og størst vekst er det blant dei kristne trussamfunna.
Ifølgje tal frå SSB var 449 900 nordmenn, eller 9,3 prosent av folket, medlemer i eit trus- og livssynsamfunn utanfor statskyrkja per 1. januar 2010. Det var ein auke på 4 prosent frå året før, noko som tilsvarar 18 600 medlemar. Tala gjeld for trus- og livssynssamfunn som får statstilskot.
Samla fordeler medlemane utanfor statskyrkja seg slik: 55 prosent i kristne trussamfunn, kor Den romersk-katolske kyrkja er den største, 22 prosent i Islam, 18 prosent i livssynssamfunn, kor Human-Etisk forbund er den største, 3 prosent i Buddhisme og 2 prosent i andre religionar.
Det har vore vekst i medlemsmassen i desse trus- og livssynsamfunna over heile landet, men veksten er størst i Oslo. Oslo er òg det fylket kor flest står utanfor Den norske kyrkja.
