Heim Nyhende Folket vil avgjere kommunestrukturen sjølv

Folket vil avgjere kommunestrukturen sjølv

Berre éin av tre i ei ny undersøking meiner det er akseptabelt å bruke tvang for å slå saman kommunar. Eit fleirtal vil at innbyggjarane skal bestemme sjølv.

 

 

65 prosent meiner dette spørsmålet skal baserast på fri vilje, viser ei undersøking TNS Gallup har gjort for Lokalsamfunnsforeininga, gjeve att i Klassekampen.

På dette spørsmålet svarer 33 prosent at det er ok med tvang, mens 2 prosent ikkje tek stilling. Berre fire av ti av dei spurte stiller seg likevel negative på spørsmål om korleis dei stiller seg til kommunesamanslåing generelt.

På spørsmål om kven som bør avgjere om kommunen din skal slåast saman med ein eller fleire nabokommunar, svarer halvparten at innbyggjarane sjølv bør ta avgjerda. Éin av fem meiner Stortinget bør bestemme, mens fylkespolitikarane og kommunepolitikarane får nokolunde lik oppslutning blant den resterande tredelen av dei spurte.

– Det er ikkje nytt at folk er motstandarar av tvang. Det overraskande her er at berre 20 prosent meiner at Stortinget skal avgjere samanslåing, seier leiar Ole Gustav Narud i den tverrpolitiske organisasjonen Lokalsamfunnsforeininga.

På den raudgrøne sida er Arbeidarpartiet opne for tvang i enkelte tilfelle, mens SV og Sp er klart mot. Dei borgarlege partia varslar likevel omfattande samanslåing, om nødvendig med tvang. (©NPK)

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Alt gjer seg betre på nynorsk

Prisvinnar Øystein Furevik gir folk nynorsk i ei verd prega av engelsk. For han er nemleg alt betre på nynorsk. – For meg er nynorsk...

Nynorsk kultursentrum stiller opp for Det Norske Teatret

Det Norske Teatret troppa opp på Festspela for å lansere si nye kampanje for å tette finaniseringsgapet som har utvikla seg samanlikna med Nathionaltheatret....

Nynorsk barnelitteraturpris til Markus Lantto og Camilla Kuhn

Forfattar Markus Lantto og illustratør Camilla Kuhn har fått Nynorsk barnelitteraturpris 2022 for boka Kåre og Marimba hjelper til gjeven ut på Samlaget. – Juryen...

Ber storsamfunnet syta for at retten til eige språk og kultur er reell

Landstinget til LNK Nynorskkommunane kom med støtte til samar, kvener, norskfinnar og skogfinnar. – Me i LNK Nynorskkommunane var samla til landsting same dag som...