Regjeringa og fleire departement bryt mållova ved å nesten utelukkande kvitre på bokmål, skriv Sunnhordaland.
I september var det berre eit fåtal av departementa som skreiv ei einaste Twitter-melding på nynorsk, viser ein gjennomgang Sunnhordland har gjort.
Regjeringa er også berre tilstades på Twitter med ein profil på bokmål. Noko Språkrådet reagerer på.
– Det me generelt kan seia er at i alt informasjonstilfang, skal statsorgana veksla mellom målformene. Det er ingen grunn til at informasjon gjennom sosiale media skal vera fråteke dette kravet. Det er ikkje privatpersonar det er snakk om, seier rådgjevar i Språkrådet, Daniel Ims til Sunnhordaland.
