Stadig fleire kommunetilsette brukar dagen sin på å chatte med innbyggjarane. – Vi har hatt dette tilbodet i to år, men og ser gjerne at fleire vel nettprat for å kome i kontakt med oss, seier Marit Solheim ved sørvistorget i Førde.
|
Kvar veke viser vi deg eit glimt frå ein av kommunane som er med i LNK. Denne veka: Førde
Nytt frå Førde: Aktuelle lenker:
|
Så er det ikkje sikkert ho og dei andre tilsette på sørvistorget kan svare på absolutt alt folk lurer på, men det dei ikkje har svar på sjølve sender dei vidare til andre som kan hjelpe.
– Veit de kven de snakkar med på nettprat?
– Vi kan ikkje sjå dei vi snakkar med, så vi veit ikkje kven dei er med mindre dei presenterer seg, seier Solheim. Brukarane får derimot opp bilde og namn på den personen på sørvistorget som svarar dei i nettpraten.
– Kva er det folk vil snakke med dykk om i nettprat?
– Det er mest generelle spørsmål, som opningstider i kulturhuset og spørsmål knytte til barnehageopptak, forklarar Solheim.
Konkrete spørsmål som det er lett å gje konkrete tilbakemelding på er det som eignar seg best til nettprat, meiner ho og kollegaene på sørvistorget. Treng ein ei grundig vurdering meir enn eit kjapt svar, er nok framleis telefon det beste
kommunikasjonsmiddelet, seier ho. Men fleire burde bruke nettprat enn i dag, slår Solheim fast.
– Framleis ser det ut til at folk helst ringjer. Men har ein først brukt nettpraten ein gong og fått hjelp, så trur vi at ein vil bruke tenesta fleire gonger.
