I dag har LNK inngått nye samarbeidsavtalar med både KLP og Kommunalbanken.
– Gjennom dette samarbeidet treff me òg mange kommunar og fylkeskommunar som er med i LNK og som er ei særs viktig gruppe for oss.
– Kommunalbanken og LNK er samde om å føre vidare det smarbeidet som har vore sidan 2003. Ein ny avtale vart signert i august, som me er særs godt nøgde med, seier dagleg leiar i LNK, Vidar Høviskeland.
Også KLP har signert ny avtale med LNK i dag. KLP var først ute med å teikne ein samarbeidsavtale med LNK, alt i 2001.
– Me har hatt eit nært og godt samarbeid i alle desse åra og er svært glade for at selskapet ønskjer å vere med vidare, seier Vidar Høviskeland.
Direktør Roar Strand i KLP seier dei ønskjer dialog med både eigarar og kundar, og at dei gjennom denne avtalen får ein enno ein arena for dialog.
– Me har hatt ein samarbeidsavtale fram til i dag som me ikkje alltid har vore flink til å bruke. Me vil vere meir aktive i framtida, lovar Strand.
