Heim Nyhende Fornyingsministeren er lei av tåkeprat

Fornyingsministeren er lei av tåkeprat

Fornyingsminister Rigmor Aasrud sender språksyndene til byråkratane i retur. Ho peikar på at desse syndene kostar samfunnet 300 millionar kroner årleg.

– Du skal ikkje gå mykje rundt i gangane her i huset før du finn setningar eg stemplar som uklart språk, seier fornyingsminister Rigmor Aasrud (Ap) til VG.

Eit stempel frå Aasrud og andre statsrådar tvinger byråkratane til å formulere seg om igjen viss språket er uklart og tåkete.

Hennar eigne byråkratar har rekna ut at uklart språk frå stat og mynde kostar 300 millionar kroner årleg. Folk som får brev eller skjema forstår ikkje kva det står i dei.

– Folk må faktisk ofte ringe og spørje kva som eigentleg står i brevet eller skjemaet dei har fått. Kanskje må det bli sendt eit nytt brev. Dette fører til lengre saksbehandlingstid. Tida det tar å oppklare og rette opp i til dømes ufullstendige søknader er kostbar, peikar Aasrud på.

Språkrådet har sidan 2009 samarbeidd med Direktoratet for forvaltning og IKT (Difi) for å betre språket i staten. Initiativet kjem frå Fornyings-, administrasjons- og kyrkjedepartementet.  Føremålet med prosjektet «Klart språk i staten» er å betre språket i skriftleg informasjon til publikum.

Språkrådet har utarbeidd nokre tips til korleis byråkratar og andre kan få eit betre språk. Her er nokre av dei:

Unngå å bruke abstrakte ord og uttrykk.

Unngå også vage uttrykk og moteord.

Bytt ut substantivtunge setningar. Bruk verb.

Bytt ut passive setningar med aktive.

På det nåverande tidspunkt = Nå

I inneverande år = I år

Du finn fleire råd til korleis du skal skrive og korleis du ikkje skal skrive på Språkrådet si nettside for «Klart språk i staten».

 

 

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

– Stortinget hindra digital jamstilling for nynorsken

Det seier ein skuffa leiar i Noregs Mållag, Peder Lofnes Hauge, etter at den nye opplæringslova torsdag blei vedtatt i Stortinget.  – I ein skulekvardag...

Gratis teateroppleving på øyret – i samarbeid med dagsturhyttene 

Teater Vestland og dagsturhyttene samarbeider om å gi folk ei annleis teateroppleving i naturen.  Skogsopplevingar er ein 20 minutt lang podkast som du høyrer på ute i...

Programmet til landstinget til LNK i Sogndal 1.-2. juni 2023

Landssamanslutninga av nynorskkommunar ønskjer velkommen til landsting i Sogndal 1.-2. juni på Quality Hotel Sogndal. Landstinget til LNK blir arrangert annakvart år, og er ein...

– Eit svik mot nynorskelevane 

Utdanningskomiteen har no lagt fram innstillinga si til ny opplæringslov. Trass i tydelege krav frå alle hald om at læringsressursar som er utvikla til...