Heim Nyhende Frå sentralbad til bokbad i Odda

Frå sentralbad til bokbad i Odda

Norsk kulturråd har løyvd i overkant av 1,7 millionar kroner til arbeidet med å byggje om det gamle badet på smelteverkstomta i Odda i Hordaland til bruk for litteratur og kulturføremål.

Tilskotet skal gå til ei innvendig opprusting av bygget.

– Kulturrådet ønskjer å bidra til etablering av arenaen fordi han er forankra i eit levande litteratur- og forfattarmiljø. Dessutan har han eit interessant fagleg fokus i skjæringspunktet mellom litteratur, samfunnsspørsmål og industri, seier rådsleiar Bentein Baardson i ei pressemelding frå Kulturrådet.

Smelteverket i Odda representerer norsk industrihistorie. Sentralbadet er eit jugendinspirert garderobebygg frå 1908. Arkitekt Gro Lavold sine planar for ombygginga vil ivareta bygget sin karakter og detaljar.

– Her vil industrihistorisk viktig bygningsmasse få ny bruk og bli gjort om til ein levande møtestad for kultur. Og Kulturrådet legg også vekt på at arenaen skal utviklast i nært samarbeid med biblioteket og ulike miljø lokalt og regionalt, seier Baardson.

Odda har gjennom lang tid satsa på litteratur. Industritettstaden har fostra forfattarar og skribentar som Marit Eikemo, Frode Grytten, Lars Ove Seljestad, Hallgeir Opedal og Bjørn Ingvaldsen. Forfattarane peikar gjerne på Odda bibliotek og dei sterke bibliotekssjefane der gjennom tidene som eit viktig utgangspunkt for at deira litteraturinteresse blei vekt.

Biblioteket var også blant initiativtakarane til Litteratursymposiet, som blei etablert i 2002.

– Litteratursymposiet har utvikla seg til å bli ein viktig litteraturfestival. Sentralbadet litteraturhus vil gi symposiet fast base og ein god arena, og gir dessutan høve til utvikling av nye litteraturprosjekt, sluttar Baardson.

I tillegg til å huse Litteratursymposiet skal bygget bli fylt med ulike brukarar og leigetakarar, bokhandel, minibibliotek, kafé, arbeidsplassar og møte- og konferanserom.

Les også kva Bergens Tidende skriv om smelteverkstomta.

NYNORSK INSPIRASJON

SPRÅKBRUKSPLANAR

Meir enn 30 av LNK sine medlemskommunar har vedteke eigne språkbruksplanar – eller målbruksplanar som dei ofte vart kalla før. Dei fleste planane byggjer...

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

MEST LESE

Årsrapport for LNK 2023–2024

Annakvart år, i samband med årsmøtet og landstinget i LNK, legg organisasjonen fram ei fyldig årsmelding og revidert rekneskap for dei siste to driftsåra....

Mållaget jublar: SV vil gjere språklova betre for nynorsken

SV har fremja ei rekkje forslag i Stortinget som vil gjere den nye språklova betre for nynorsken. – SV tar ansvar for å rydde...

Velkomen til landstinget til LNK! Sjå programmet og meld deg på her!

Statssekretær Trude Storheim (Ap) og direktør i Språkrådet Åse Wetås kjem saman med ei rekkje andre interessante innleiarar til landstinget til LNK 3.-4. juni...

Debatt: Lærarar som ikkje kan skrive nynorsk

Mange norsklærarar seier sjølve at dei ikkje er godt nok rusta til å undervise i nynorsk som sidemål. Det er djupt alvorleg. Universitet og...