Heim Nyhende Framgang i målbruken i staten

Framgang i målbruken i staten

Staten har eit godt stykke att før krava i mållova er nådde. Det er likevel teikn til framgang.

 

Det viser tala frå Rapport om målbruk i offentleg teneste 2013, som Språkrådet har laga på oppdrag frå Kulturdepartementet.

Rapporten viser at mange statsorgan bryt lovkravet om at dei skal ha minst 25 % av både nynorsk og bokmål på nettsider og i andre tekstar til publikum. Men sjølv om målbruken i staten framleis ikkje oppfyller krava i mållova, er det ei positiv utvikling på fleire felt. Særleg er det verdt å trekkje fram språket i sosiale medium, der mange statsorgan har gjort ein god innsats.

Sosiale medium

– Statsorgana kommuniserer stadig meir på sosiale medium, derfor er det positivt at fleirtalet er medvetne om at mållova gjeld også når dei vender seg til publikum på Twitter og Facebook, seier Kristin Solbjør, seksjonssjef i Språkrådet.

Sjølv om fleire statsorgan er på rett veg, viser tala frå 2013 at det framleis vert skrive for få tekstar på nynorsk. Blant statsorgana som jamleg leverer rapportar og tiltaksplanar, opplever Språkrådet likevel at det vert gjort endringar til det betre.

Leiaransvar

– Vi ser at statsorgan som arbeider systematisk med målbruk, får gode resultat, seier Solbjør. Ho strekar under at målbruk er et leiaransvar. Leiarar som gjer det klart at reglane i mållova skal følgjast, og som får på plass rutinar for dette, lukkast.

– Dessverre er det ikkje alle statsorgan som har tatt tak i problema dei har med å følgje mållova. Staten er pålagd å følgje regelverket og skal ta dei språklege rettane til folk på alvor. Framgangen vi har sett på dette feltet, er positiv, og vi vonar å sjå at han held fram, seier Solbjør.

NYNORSK INSPIRASJON

Tilbyr digitalt språkkurs for kommunetilsette

Øygarden kommune har utarbeidd eit digitalt språkkurs som handlar om grunnleggjande nynorsk grammatikk og oppgåver undervegs. Kurset er lagt inn i KS Læring. Deltakarane vert...

Klar med nynorskkurs for lærarar

Kurset er laga for at lærarar som skal bruka nynorsk og undervisa i nynorsk skal bli trygge nynorskbrukarar. På oppdrag frå Bergen kommune har Nynorskkommunane...

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

MEST LESE

Undersøking: Journalistar med nynorskkompetanse er mangelvare

I ei undersøking om «Nynorsk i avisene» kjem det fram at aviser som bruker begge skriftspråk er positive til meir nynorsk. Samtidig har redaktørane...

Norsk Målungdom har valt ny leiar

Sebastian Vinsent Natvik frå Alver kommune i Vestland er valt som ny leiar for Målungdommen. – Eg er veldig takksam for tilliten til landsmøtet, og...

Harselerer og hyller nynorsken i ny musikal

Are Kalvø og Ingrid Bjørnov har laga musikal inspirert av nynorsk (spynorsk) (m)ordliste og Ivar Aasen. 13. april har det satiriske stykket premiere på...

Norsk Barneblad – i takt med tida sidan 1887 – og truleg eldst i verda

Norsk Barneblad er truleg det eldste eksisterande bladet i verda for barn. Det har kome ut utan stans sidan 1887 og lever i beste...