Heim Nyhende Framtida.no får støtte frå Fritt Ord

Framtida.no får støtte frå Fritt Ord

Den nynorske nyhende- og debattavisa for unge, Framtida.no, får støtte frå Fritt Ord til ein artikkelserie om det politiske i språket.

 

– Det er veldig kjekt at ein institusjon som Fritt Ord har tru på prosjektet vårt, seier Svein Olav Langåker, prosjektleiar for Framtida.no. Fritt Ord bidreg med 50.000 kroner.
Artikkelserien er tenkt som del av eit prosjekt der Framtida.no har som mål å tilsetja det som kan bli Noregs første språkjournalist.
– Framfor stortingsvalet i 2013 meiner me det er ekstra aktuelt å skriva om språk og kva orda me bruker har å seia for folkestyret, seier Langåker.
Målet med artikkelserien er å gje fleire lesarar ein god grunn til å snakka om språk i det komande Språkåret. Framtida.no ønskjer å visa fram språkmangfald, kva makt som ligg i språket og avdekkja språkleg avmakt.

Nær 400.000 unike brukarar
Framtida.no blei starta av ABC Startsiden, Landssamanslutninga av nynorskkommunar og Landslaget for lokalaviser hausten 2010. Framtida.no har i dag ein redaksjon på to årsverk. I tillegg leverer kring 20 aviser og over 20 unge skribentar artiklar til Framtida.no. Sidan starten har nær 400.000 unike brukarar besøkt nettsida, og talet på vekentlege og daglege brukarar aukar.

Lokomotiv for nynorsk på nett
– Målet vårt er å saman med Startsida.no vera eit lokomotiv for nynorsk på nett, og vera til nytte og glede for stadig fleire lesarar, seier Svein Olav Langåker. Seks aviser viser i dag fram nyhenda til Framtida.no på nettsidene sine. Framtida.no arbeider for å auka distribusjonen av artiklane sine.
– Me ønskjer òg å knyta samarbeid med kommunar, skular og bibliotek. Blant anna for bibliotek og skular bør det vera interessant å ”abonnera ” på artiklar innanfor enkelttema som litteratur, bokmeldingar, politikk, yrkesval, språk eller klima, avsluttar Langåker.

NYNORSK INSPIRASJON

Kurstilbod for skular og barnehagar

Arbeidet for å styrkja språkopplæringa i det offentlege er ei prioritert oppgåve for Landssamanslutninga av nynorskkommunar (LNK). Kursa våre blir administrerte og gjennomførte av Fretland...

Språklova: Dette er dei viktige paragrafane for nynorskkommunane

Frå og med 1. januar 2022 er nynorsk og bokmål formelt jamstilte og likeverdige språk på alle samfunnsområde. Formålet med lova er...

Har kommunen din levert høyringssvar om ny opplæringslov?

Arbeidet med ny opplæringslov er svært viktig for nynorskelevane og nynorskkommunane. LNK oppmodar alle medlemskommunane sine om å setja tydelege krav til...

Nytt samarbeid skal styrka nynorsken i barnehagane

Pirion og Sunnfjord kulturskule har laga til ei digital kursrekkje som skal hjelpa til med å styrkja nynorskarbeidet i barnehagane.

Seks fine julebøker på nynorsk

Mange skular og barnehagar bruker adventstida til høgtlesing kvar dag. Her får du tips til fleire gode bøker på nynorsk med god...

Vil gi utviklingsstøtte til fleire nynorske produksjonar i Den kulturelle skulesekken

Kulturtanken, Seanse, Høgskulen i Volda og fleire fylkeskommunar samarbeider om å få meir nynorsk i Den kulturelle skulesekken i ei heilt ny...

MEST LESE

LNK om ny opplæringslov: – Stortinget må sikra meir nynorsk i skulen

Nynorskkommunane (LNK) er glad for at regjeringa vil lovfesta at skulen skal ha skriveprogram som støttar nynorsk, men meiner lova må oppdaterast for å...

Mållaget: – Ny opplæringslov forsterkar den digitale læremiddelkrisa for nynorskelevane

– Situasjonen i nynorskklasseromma er alvorleg. Det sit over 73 000 nynorskelevar ved pultane sine og må bruke digitale læringsressursar på feil språk, seier...
Vidaregåande skule

Føreslår å fastsetja hovudmål på vidaregåande skular

I forslaget til ny opplæringslov føreslår regjeringa fleire større og mindre endringar til språk på skulane. Departementet føreslår blant anna: å vidareføra at kommunen skal...

Frieriet i Todalen – kva skjer med Vangsgutane no?

Vi har intervjua tekstforfattar Kjartan Helleve om dei siste hendingane rundt teikneseriefigurane Vangsgutane, som kom fram i siste utgåva om dei ved juletider. Faste...